آمریکانین ان معتبر حقوق درگیسینین مودورو بیر مسلمان

آمریکانین مشهور اونیوئرسیته‌لرین‌دن بیری اولان هاروارد حقوق فاکولته‌سی طرفین‌دن یاییملانان، اؤلکه‌نین ان پرستیژلی حقوق درگی‌سی اولان لاو رئویونون باشینا ایلک دفعه بیر مسلمان گتیریلدی.
 ۱۳۴ ایللیک درگینین مودورلوگونه ۲۶ یاشینداکی مسلمان اؤیرنجی حسن شهاوی تعیین ائدیلدی.
مصرلی بیر عائله‌دن گلن کالیفورنیا دوغوملو شهاوی، یئنی وظیفه‌سینین حقوق فاکولته‌سینین چئشیدلی‌لیگه وئردیگی اؤنمی و دیگر حقوق گله‌نکلرینه سایغیسینی گؤسترمه‌سی آچیسیندان اؤنملی اولدوغونو بیلدیردی.
 ۲۰۱۶دا هاروارددا اورتادوغو تاریخی و آراشدیرمالاری اوزرینه فارغ التحصیل اولان شهاوی،  آکسفورد اونیوئرسیته‌سین‌ده ده  دوغو و اسلام حقوقو اوزرینه دکترا اوخودو.
شهاوی حاضردا سیغینماچیلار و آمریکانین جزا حقوقو اصلاحاتلاری اوزرین‌ده ایشله‌ییر.
 آمریکانین اسکی پرزیدنتی باراک اوباما دا۱۹۹۰دا سؤزوگئدن درگینین آفریقا کؤکنلی ایلک مودورو اولموشدو.