بارزانی ایله بلینکن آراسیندا تلفون دانیشیغی اولوب

عراق کورد بولگه‌سل رهبرلیگی‌نین باش ناظیری مسرور بارزانی امریکا-نین خاریجی ایشلر ناظیری آنتونی بلینکن ایله تلفونلا گؤروشوب.

بارزانی توییتر حسابیندا ائتدیگی پای‌لاشیمدا آنتونی بلینکن ایله اربیل-ده مارسین 13-ده باش وئرن ترور هوجوموندان دانیشدیق‌لارینی بیلدیریب.

هوجومون عراق-ین اگمنلیگی‌نین "کوستاخ بیر شکیلده پوزولماسی" مؤوضوع سوندا راضیلاشدیق‌لارینی ایفاده ائدن بارزانی “سون ایللرده اربیله هوجوم‌لاردا دفعه‌لرله تکرارلانان اویدورما شایع لره قارشی عاجیل تدبیر گؤرولمه‌لی اولدوغونو وورغولادیم" ایفاده‌سینی ایشله‌دیب.

او دئییب کی، امریکالی طرفداش‌لاریمیزی کوردوستان بؤلگه‌سینی دستکله‌مک اوچون داها چوخ ایش گؤرمه‌یه چاغیردیم.

بو آرادا، هوجوم نتیجه‌سینده اربیل‌دن اولان بیر ایش آدامی‌نین ائوی و "K24 TV" کانالینا (کوردیستان24) جدی زیان دییب.

عراق کورد بولگه سل رهبرلیگی‌نین ترورلا موباریزه ایداره‌سی اربیله عراق خاریجیندن 12 بالیستیک راکتله هوجوم ائدیلدیگینی آچیقلاییب.

قئید ائدک کی، ترورلا موباریزه ایداره‌سی رسمی "فیسبوک" حسابیندا هوجوملا باغلی وئردیگی آچیقلامادا "پایتاخت اربیله کوردوستان بؤلگه‌سی و  عراق-ین حودودلاریندان‌ کناردان بالیستیک راکت‌لرله هوجوم ائدیلیب” سؤزلرینی ایشله‌دیب.

هوجومون "دوغودان ایستیقامتلندیریلدیگی" قئید ائدیلن آچیقلامادا حادثه‌نین یئرلی واختلا ساعات 01.00-دا باش وئردیگی و 12 بالیستیک راکتین امریکانین اربیل کونسوللوغو ایستیقامتینده بیر محله‌نی هدف آلدیغی بیلدیریلیب.

سپاه "اینقیلاب کئشیکچی‌لری کورپوسو" عراق-ین اربیل شهرینه راکت هوجوم‌لارینا گؤره مسئولیتی اؤز اوزرینه گؤتوروب.

ایسراییل-ین بؤلگه‌ده سون هوجوم‌لارینا دقت چکیله‌رک، مارسین 13-ده گئجه ایسراییله عایید اولدوغو بیلدیریلن بیر مرکزین اینقیلاب کئشیکچی‌لری کورپوسونا عایید راکت‌لرله وورولدوغو قئید ائدیلیب.

عراق کورد بولگه سل رهبرلیگی ایسه ایرانین هوجوم‌لارینی تکرارلادیغینی و اولوسلار آراسی توپلومون سوسماسی‌نین بو هوجوم‌لارا سبب اولاجاغینی بیان ائدیب.