تگزاسدا بیر نفر اتومبیلله کؤچمنلری ازدی

آمریکا بیرلشمیش دؤولتلرینین تگزاس ایالتینده، اس‌یووی تیپی اتومبیلین اتوبوس دوراغیندا گؤزله‌یه‌ن دوزنسیز کؤچمنلره چارپماسی نتیجه‌سینده ۷ نفر اؤلدو.
براونسویل پلیس مفتیشی مارتین ساندوال، حادثه یئرین‌ده وئردیگی آچیقلامادا، اس‌یووی تیپی اتومبیلین اتوبوس دوراغیندا گؤزله‌یه‌ن دوزنسیز کؤچمنلره چارپماسی نتیجه‌سینده ۷ نفرین حادثه یئرین‌ده حیاتینی ایتیردیگینی، ۶ نفرین ده یارالاندیغینی ایفاده ائتدی.
ساندوال، قضانین سببی تام اولاراق بیلینمه‌سه ده گؤزآلتینا آلینان سوروجونون ماشینینی قصدلی اولاراق اتوبوس دوراغینا دوغرو سوردوگونه اینانیلدیغینی ایفاده ائتدی.
ماشینین چارپدیغی شخصلرین، عمومیتله ونزوئلادان گله‌رک آمریکا سرحدیندن گئچه‌ن کؤچمنلردن اولوشدوغو قید ائدیلدی.