سو آلتیندا ان اوزون یاشاما رکوردو قیریلدی

امریکانین فلوریدا ایالتینده بیر آدام سو آلتیندا ان اوزون یاشاما رکوردو قیریب.

 سی‌بی‌اس نیوز ون خبرینه گؤره، بیر نوع سوالتی هتلینده یاشایان اونیورسیته پروفسورو جوزف دیتوری  سؤزوگئدن رکوردو قیرماق اوچون اوولکی 73 گونلوک رکوردو کئچیب.

می‌ین 13-ده سو آلتیندا 74-جو گونونو تاماملایان دیتوری سوسیال مدیا حسابیندان وئردیگی آچیقلامادا هله سوره جی بیتیرمگی دوشونمه‌دیگینی، 100-جو گونون سونوندا سویا چیخماغی پلانلاشدیردیغینی بیلدیریب: "بیرینجی گون‌دن مقصدیم گله‌جک نسیل‌لری روحلان‌دیرماق، دنیز آلتیندا حیاتی تدقیق ائدن عالیم‌لردن موصاحیبه آلماق و اینسان اورقانیزمی‌نین آغیر شرایطده نئجه ایشلدیگینی اؤیرنمک اولوب".

دنیز قایناق لاری اینکیشافی فوندو طرفیندن تشکیل ائدیلن "Project Neptune 100"  سوالتی میسیونونون بیر حیسه‌سی اولا‌راق جوزف دیتوری فلوریدا ایالتینده 9 متر درین‌لیکده لاقونون دیبینده یئرلشن، Jules Undersea Lodge آدلی بیر سوالتی هتل ینده یاشاییر.

سو آلتیندا قالدیغی مدتده بیر سیرا فیزیکی و پسیکولوژی ساغ‌لیق معاینه لریندن کئچن دیتوری ژوئن‌ین 9-دا سو سطحینه چیخماغی پلانلاشدیریر.

قئید ائدک کی، سو آلتیندا ان اوزون یاشاما رکوردونون اوولکی صاحیب‌لری جسیکا فاین و بروس کانترل ده عینی یئرده 73 گون کئچیریب‌لر.