ایشاره دیلی رسمی دیل اعلان ائدیلدی

گونئی آفریقا جمهوریتی، ائشیتمه انگللیلرین ایستیفاده ائتدیگی ایشاره دیلینی ۱۲.جی رسمی دیل اعلان ائتدی.
جمهورباشقانی سیریل رامافوسا، یئریتمه باشکندی پرتوریاداکی بیرلیک بینالارین‌دا (اونیون بیلدینگس) تشکیل ائدیله‌ن مراسیمله، ایشاره دیلینی یئنی رسمی دیل قبول ائد‌ن گونئی آفریقا ایشاره دیلی قانونونو ایمضالادی.
مراسیم‌ده دانیشما ائد‌ن رامافوسا، ایشاره دیلینین رسمی دیل اولاراق قبولونون گونئی آفریقا دموکراسیسی اوچون عطف نقطه‌لریندن بیری اولدوغونو ایفاده ائتدی.
رامافوسا، "ایشاره دیلی ایله ارتباط قوران اینسانلارین حاقلارینی گئنیشلدیب، توپلوم ایچینده‌کی سایغینلیقلارینی یوکسلتمه‌یی آماجلاییریق" دئدی.
گونئی آفریقا بئله‌جه کنیا، زیمبابوه و اوگاندانین آردین‌دان ایشاره دیلینی رسمی دیل اولاراق قبول ائد‌ن ۴.جو آفریقا اؤلکه‌سی اولدو.
آفریکانس، زولوجا، سواتیجه، خوساجا، سونگوجا، ونداجا، تسواناجا، سوتهوجا، قوزئی سوتهوجا، گونئی ندیبیلیجه و اینگیلیزجه اولماق اوزره ۱۱ دیلین رسمی اولاراق دانیشیلدیغی اؤلکه‌ده، ایشاره دیلی ۱۲.جی رسمی دیل اولدو.