مراکش-ده زلز‌له نتیجه‌سینده 50 مین ائو تامامیله و یا قیسمن داغیلیب

مراکش-ده باش وئرن و 2946 نفرین اؤلومونه سبب اولان 7 شدتینده زلز‌له‌ده تخمینن 50 مین ائو تامامیله و یا قیسمن داغیلیب.

مراکش کرال دیوانین‌دان وئریلن یازیلی آچیقلامایا گؤره، زلز‌له نتیجه‌سینده یورد-یووا‌سیز قالان‌لارین سیغینا‌جاق احتیاج‌لاری‌نین اؤدنیلمه‌سی و لازیمی یاردیم‌لارین چاتدیریلماسی ایله علاقه‌دار فوق العاده حال پروقرامی‌نین حیاتا کئچیریلمه‌سی اوچون کرال6  -جی محمدین صدرلیگی ایله خصوصی ایجلاس کئچیریلیب.

آچیقلامادا زلز‌له‌دن ضرر چکمیش 5 بؤلگه‌ده تخمینن 50 مین ائوین تامامیله و یا قیسمن داغیلدیغی، دؤولتین زلز‌له‌دن ضرر چکمیش عائله‌لره 30 مین دیرهم (تخمینن 3 مین دو‌لار) مبلغینده عاجیل یاردیم ائدجگی قئید ائدیلیب.

آچیقلامادا تامامیله داغیلان ائولر اوچون 140 مین درهم (تخمینن 14 مین دو‌لار)، قیسمن داغیلمیش ائولر اوچون ایسه 80 مین درهم (تخمینن 8 مین دو‌لار) بیرباشا مالیه یاردیمی وئریله‌جگی بیلدیریلیب.

سپتامبرین 8-ده یئرلی واختلا ساعات 23.10-دا مراکشده 7 شدتینده زلز‌له باش وئریب.

زلز‌له مراکش ایله یاناشی، رباط، کازابلانکا، مکنس، آگادیر و فس شهرلرینده ده حیس اولونوب.

مراکش ایچ ایشلر ناظیرلیگی‌نین سون معلومات‌لارینا گؤره، زلز‌له نتیجه‌سینده 2 مین 946 نفر حیاتینی ایتیریب، داها 5 مین 674 نفر ده یارالانیب.