غزه‌ده آتش‌کس اوچون دیپلوماتیک چالیشمالار

ایسرائیلین غزه‌ده تؤرتدییی قیرغینلارین قارشیسینی آلماق اوچون دیپلوماتیک چالیشمالار داوام ائدیر.

قطر ایسرائیل طرفینین یئنی اسیر موبادیله‌سی و آتشک‌س تکلیفینی تصدیقلدییینی و حماس دا بونو اولوملو قارشیلادیغینی آچیقلاییب.

فرانسه‌نین پایتاختی پاریس‌ده قطر، آمریکا، ایسرائیل و مصر رسمیلری آراسیندا کئچیریلن گؤروشلره اشاره ائدن قطر خاریجی ایشلر ناظیرلییی، ایسرائیلین آتش‌کس و اینسانی دوردورما تکلیفی قبول ائتدییینی و حماس‌ین دا بونو اولوملو قارشیلادیغینی بیلدیریب. ناظیرلییین آچیقلاماسیندا "اومید ائدیریک کی، یاخین بیر نئچه هفته عرضینده بونونلا باغلی یاخشی خبرلر پایلاشا بیله‌جییک" سؤزلری دئییلدی.

حماسین حربی قانادی عزالدین القسام توغایلاری 7 اوکتبردا «مسجدالاقصی باشدا اولماقلا فیلیسطین‌لیلره و مقدس دَیَرلره قارشی داواملی پوزونتولارا جاواب وئرمک» سببی ایله ایسرائیله قارشی هرطرفلی هوجوما کئچیب.

عینی تاریخدن بری ایسرائیلین غزه زولاغینا دوزنلدییی هوجوملاردا ان آزی 11 مینی اوشاق و 8 مینی قادین اولماقلا 27 مین 19 فیلیسطین هلاک اولوب.