بمت: اوکراینادا 10 مین‌دن چوخ مولکی وطنداش هلاک اولدو

بمت-نین اینسان حاق‌لاری یوکسک کمیساری ولکر تورک روسیا ایله محاربه‌نین داوام ائتدیگی اوکراینادا 10 مین 500-دن چوخ مولکی شخصین اؤلدوگونو، 20 میندن چوخ اینسانین ایسه یارالاندیغینی بیلدیریب.

ولکر تورک بمت اینسان حاق‌لاری شوراسی‌نین 55-جی اوتورومو چرچیوه‌سینده "اوکراینادا اینسان حاق‌لاری" باش‌لیغی آلتیندا درج اولونان بمت اینسان حقوق‌لاری یوکسک کمیسارلیغی‌نین (OHCHR) راپورو ایله باغلی اینتراکتیو دیالوگ توپلانتیسی تشکیل ائدیب.

ییغینجاقدا ویدئو مئساژی یاییلان ولکر تورک اوکراینا-دا 10 مین 500-دن چوخ مولکی وطنداشین اؤلدورولدوگونو، 20 میندن چوخونون ایسه یارالاندیغینی بیلدیریب و رئال رقم‌لرین داها چوخ اولا بیله‌جگینی وورغولاییب.

ولکر تورک اؤتن هفته‌دن اعتباراً اوکراینا داخیلینده قارشیدورما‌لارین آرتدیغینی و اوکراینا‌لی اوشاق‌لارین اؤز دیل‌لرینده تحصیل آلماق حقوقوندان محروم ائدیلدیگینی بیلدیریب.

روسیا سلاحلی قوه‌لرینین سون 2 ایلده ایشگنجه و اساس‌سیز حبس‌لر ده داخیل اولماقلا، اولوسلار آراسی اینسان حاق‌لاری و اینسانی حقوقو گئنیش شکیلده پوزدوغونو بیلدیرن ولکر تورک "اوکراینا طرفداری" کیمی قبول ائدیلن اینسان‌لارین هدف آلیندیغینی دئییب.

سؤزوگئدن محاربنی بیتیرمیین واختی‌نین گلدیگینی وورغولایان ولکر تورک محاربه‌نین ووردوغو ضربه‌نین آرا‌دان قالدیریلماسی‌نین واجیب‌لیگینه دقت چکیب.