آوروپا بیرلیگی-نین خاریجی ایشلر و ساوونما ناظیرلری توپلانیب

آوروپا بیرلیگی اؤلکه‌لری‌نین خاریجی ایشلر و ساوونما ناظیرلری اوکراینا و اورتادوغوداکی سون وضعیتی موذاکیره ائتمک اوچون لوکزامبورگ-دا بیر آرایا گلیب.

آوروپا بیرلیگی-نین خاریجی ایشلر و تهلوکه‌سیزلیک سیاستی عالی نوماینده‌سی جوزپ بورل، گؤروش‌دن اول مطبوعاتا وئردیگی آچیقلامادا، خاریجی ایشلر ناظیرلرینین روتین توپلانتی‌سینا، ساوونما ناظیرلرینین ده  قاتیلدیغینی و اساس گوندمین "اوکراینا و اورتادوغوداکی وضعیت" اولاجاغینی سؤیله‌دی. ".

بورل روسیانین اوکراینایا، خصوصیله ده انرژی آلت یاپیسینا هوجوم‌لاری قارشی‌سیندا بو اؤلکه‌یه هاوا هوجوموندان ساوونما سیستم‌لری‌نین وئریلمه‌سی‌نین واجیب‌لیگینه توخونوب و ناظیرلرین بو یاردیمین سرتلندیریلمه‌سی و داها چوخ مهمات وئریلمه‌سینی موذاکیره ائده‌جک‌لرینی بیلدیریب.

کئچن هفته کئچیریلن آوروپا بیرلیگی ایجلاسیندا لیدرلرین ایسراییله تشکیل ائتدیگی هوجوم‌لارینا گؤره ایرانا قارشی تحریملر تطبیق ائتمک قرارینا گلدیگینی خاطیرلا‌دان بورل، ناظیرلرین بون‌لارین دئتال‌لاری اوزرینده چالیشاجاغینی بیلدیریب.

بورل ناظیرلرین ایسراییله غزه-نین رفح بؤلگه‌سینه هوجوم ائتمه‌مک و سیویل اینسان‌لاری هدف آلماماق باره‌ده خبردارلیق‌لارینی تکرارلایا‌جاقلارینی بیلدیریبلر.