دمیتری پسکوو لهیستاندا اتم سیلاحلاری احتیمالینا قارشی لازیمی تدبیرلری گؤرجکلرینی بیلدیریب
بوندان اول لهیستان پرئزیدئنتی آندری دودا دئمیشدی کی، آمریکانین اتم سیلاحلارینین اؤز اراضیلرینده قوراشدیریلماسینا ایجازه وئره بیلرلر
روسیه پرزیدنت سارایینین کرملین سؤزچوسو دمیتری پسکوو وضعییتی دقتله تحلیل ائده‌جکلرینی و آمریکا اتم سیلاحلارینین لهیستاندا یئرلشدیریلمه‌سی احتیمالینا قارشی لازیمی تدبیرلری گؤرجکلرینی بیلدیریب.
کرملینین سؤزچوسو، "بو جور پلانلار گئرچکلشیرسه، اوردوموز طبیعی کی، وضعیتی تحلیل ائده‌جک و تهلوکه‌سیزلیگیمیزی تامین ائتمک اوچون بوتون لازیمی آددیملاری آتاجاق"، دئییب.
بوندان اول لهیستان پرئزیدئنتی آندری دودا دئمیشدی کی، آمریکانین اتم سیلاحلارینین اؤز اراضیلرینده قوراشدیریلماسینا ایجازه وئره بیلرلر.
دودا، "اگر موتفیقلریمیز اتم پایلاشیمی چرچیوه‌سینده ناتونون شرق جیناهیندا تهلوکه‌سیزلیگی گوجلندیرمک اوچون تورپاغیمیزدا اتم سیلاحی قوراشدیرماق قرارینا گلسه‌لر، بیز بونا حاضیریق. بیز شیمالی آتلانتیکا بیرلیگینین موتفیقی‌ییک، بونونلا باغلی وظیفه‌لریمیز وار، اونا گؤره ده عمومی سیاستی حیاتا کئچیریریک"، دئییب.
آندری دودا اونو دا بیلدیریب کی، لهیستان-آمریکا دانیشیقلاری زامانی بو مسئله چوخدان موذاکیره اولونوب.
دودا روسیه‌نین کالینینگراد ویلایتینده حربی مؤقعلرینی گوجلندیردیگینه ده ایشاره ائده‌رک، مسکونون سون واختلار اتم سیلاحلارینی بلاروسدا یئرلشدیردیگینی و بونون بؤلگه‌ده ایغتیشاشلار یاراتدیغینی بیلدیریب.
اتم پایلاشیمی پروگرامی آمریکایا اؤز اتم سیلاحلارینی ناتو عضوو اولان، لاکین اؤز اتم سیلاحینا مالیک اولمایان اؤلکه‌لرین اراضیسینده قوراشدیرماق سلاحیتی وئریر.
ایلگیلی‌لی خبرلر
فیلیپپینده 5.7 ریشتر گوجونده زلزله
آمریکا ژئولوژی خیدمتینین معلوماتینا گؤره، 5.7 ریشتر گوجونده زلزله 7.9 کیلومتر درینلیکده قیده آلینیب
