نیجریه-ده سلاحلی سالدیری: 21 نفر اولوب
نیجریه-ده چوبانلارلا اکینچیلر آراسیندا قارشیدورمالارین یاشاندیغی پلاتو ایالتینده باش وئرن هوجوملاردا 21 نفر حیاتینی ایتیریب.
نیجریه-ده چوبانلارلا اکینچیلر آراسیندا قارشیدورمالارین یاشاندیغی پلاتو ایالتینده باش وئرن هوجوملاردا 21 نفر حیاتینی ایتیریب.
مواگاول گنجلر حرکاتینین میللی صدری ساندی دانکاکا ژورنالیستلره بیلدیریب کی، چوبانلار ایالتین مانگو و کورو بؤلگهلرینده سلاحلی هوجوملار حیاتا کئچیریبلر.
دانکاکا هوجوملاردا 21 نفرین حیاتینی ایتیردیگینی، چوخ سایدا اینسانین ایسه یارالاندیغینی قئید ائدیب.
هوجوملاردا بیر چوخ ائوین کوله دؤندوگونو ایفاده ائدن دانکاکا، اونلارلا اینسانین ائولرینی ترک ائتمک مجبوریتینده قالدیغینی بیلدیریب.
پلاتو ایالتینین مانگو بؤلگهسینده واخت آشیری چوبانلارلا اکینچیلر آراسیندا توققوشمالار باش وئریر.
سون اولاراق ژانویه آییندا مانگو بؤلگهسینده باش وئرن قارشیدورمالاردا آرالاریندا اوشاق و قادینلارین دا اولدوغو آزی 90 نفر حیاتینی ایتیریب.
ایلگیلیلی خبرلر
فیلیپپینده 5.7 ریشتر گوجونده زلزله
آمریکا ژئولوژی خیدمتینین معلوماتینا گؤره، 5.7 ریشتر گوجونده زلزله 7.9 کیلومتر درینلیکده قیده آلینیب