حوثیلر، آمریکا و اسرائیل گمیلرینی ووردو
حوثیلر، قیزیل‌دنیزده آمریکا بیرلشمیش دؤولتلرینه عاید ۲ ساواش گمیسی، هیند اقیانوسوندا دا ۱ ایسرائیل گمیسینی اینسانسیز هاوا آراجلار ایله هدف آلدیقلارینی بیلدیردی
یمنده‌کی ایران دستک‌لی حوثیلر، قیزیل‌دنیزده آمریکا بیرلشمیش دؤولتلرینه عاید ۲ ساواش گمیسی، هیند اقیانوسوندا دا ۱ ایسرائیل گمیسینی اینسانسیز هاوا آراجلار ایله (ایها) هدف آلدیقلارینی بیلدیردی.
حوثیلرین عسگری سؤزچوسو یحیی سریع، بیر تلویزیون کانالیندا وئردیگی آچیقلامادا، قیزیل‌دنیزده آمریکایا عاید ۲ ساواش گمیسینی ایهالارلا هدف آلدیقلارینی و مقصدلرینه چاتدیقلارینی سؤیله‌دی.
سریع، "دنیز گۆجلری، موشک گۆجلری و هاوا گۆجلرینین"، قیزیل‌دنیزده تشکیل ائتدیکلری اورتاق عملیاتلا کیکلادس گمیسینی هدف آلاراق ووردوقلارینی ایفاده ائتدی. سریع، بو گمینین، ۲۱ آوریلده ائیلات لیمانینا گئده‌رک، گمیلرین ایشغال آلتینداکی فیلیسطین لیمانلارینا (ایسرائیله) گئچیش قاداغاسینی پوزماسیندان سونرا هدف آلیندیغینی دیله گتیردی.
یحیی سریع، هیند اقیانوسوندا ایسه ایسرائیل گمیسی ام‌اس‌سی اوریونون چوخ ساییدا ایها ایله هدف آلیندیغینی بیلدیردی.
ایرانین دستکله‌دیگی حوثیلر، ایسرائیلین غزه‌ده‌کی سالدیریلارینا تپکی سببی ایله ۳۱ اکتبردان بو یانا یمن سولاریندا ایسرائیللی شیرکتلره باغلی اولدوغونو ایفاده ائتدیکلری تیجاری گمیلره ال قویور و بعضیلرینه ده اینسانسیز هاوا آراجلاری و موشکلرله هوجوم ائدیر.
حوثیلرین سالدیریلارینین آردیندان چوخ ساییدا گمیچیلیک شیرکتی، قیزیل‌دنیزده‌کی سفرلرینی داوردورما قراری آلدی.
آمریکا، کۆره‌سل دنیز تیجارتی گۆونلیگینین تهلوکه‌یه گیردیگی سببی ایله ۱۸ دسامبردا، بیر قروپ اؤلکه‌نین ایشتیراکییلا حوثی گوجلرینه قارشی "رفاه گؤزتچیسی عملیاتی" آدیندا چوخ اولوسلو "دنیز وظیفه گوجو" یارادیلدیغینی آچیقلادی.
آمریکا و اینگیلتره‌نین، یمنده کنترللاریندا اولان بؤلگه‌لره سالدیریسی اوزرینه حوثیلر، بو ایکی اؤلکه‌نین بوتون گمیلرینی هدف آلاجاغینی بیلدیردی.
ایلگیلی‌لی خبرلر
کنیسه‌نی یاندیرماغا چالیشان شخص اؤلدورولدو
فرانسادا پلیس، بیر کنیسه‌نی یاندیرماغا چالیشدیغی ادعا ائدیلن شخصی اؤلدوردو
کنیا-دا داشقین‌لاردا 290-دان چوخ اینسان اؤلوب
کنیا-دا داشقین‌لاردا اؤلن‌لرین سایی 291-ا یوکسلیب، 75 نفر ایتکین دوشوب، داها 188 نفر یارالانیب.
