آمریکا بالتیمور چاییندا بیر نفرین داها جسدینی تاپیب

آمریکا مریلند ایالتینده یوک گمیسینین چیرپماسی نتیجه‌سینده چؤکن فرانسیس اسکاتت کی کؤرپوسوندن چایا دوشن داها بیر شخصین جسدی تاپیلیب.

ای‌بی‌سی نیوز خبرلرینه گؤره، 49 یاشلی میگل آنگل لونا قونزالسین جسدی کؤرپونون اوچماسی زامانی چایا دوشن قیرمیزی کامیونتین ایچینده تاپیلیب.

مریلند پولیسی قونزالسین جسدینین قروپلارین بیرگه ایشی ایله چیخاریلدیغینی آچیقلاییب. بونونلا بیرلیکده چایدان چیخاریلان جسدلرین سایی 5-ه چاتیب.

مارچ آیینین 26-دا یئرلی واختلا ساعات 01:30 جیواریندا بؤیوک یوک گمیسی فرانسیس اسکات کی کؤرپوسونه چیرپیلیب و حادیثه‌دن سونرا گمیده یانغین باشلاییب.

تخمینا 2.57 کیلومتر اوزونلوغوندا اولان کؤرپونون بؤیوک بیر حیصّه‌سی ضربه نتیجه‌سینده داغیلیب، کؤرپوده اولان چوخلو اوتوموبیل پاتاپسکو چایینا دوشوب.

مریلند نقلیات ایداره‌سیندن وئریلن آچیقلامادا کؤرپویه گئدن بوتون یوللارین هر ایکی ایستقیامتده نقلیاتا باغلاندیغی بیلدیریلیب.

قضادان سونرا ایالتده «فؤق‌العاده وضعیت» اعلان ائدیلیب و قروپلار قضا زامانی کؤرپوده تعمیر ایشلری آپاران 8 تیکینتی ایشچیسیندن 2-نی خیلاص ائدیب.