جیمز الدر: یئنی قبیریستانلیقلارین اوشاقلارلا دولدورولدوغونو گؤردوم
"۳۱ اکتبردا یونیسف، غزهنی بیر اوشاق قبیریستانلیغی اولاراق تانیملامیشدی. گئچهن آی رفحده یئنی قبیریستانلیقلار سالیندیغینی و مزارلارین اوشاقلارلا دولدورولدوغونو گؤردوم"
بیرلشمیش میللتلر اوشاقلارا کؤمک صاندیغی (یونیسف) سؤزچوسو جیمز الدر، ۳۱ اکتبردا غزهنی بیر اوشاق قبیریستانلیغی اولاراق تانیملادیقلارینی خاطیرلاداراق، "گئچهن آی رفحده یئنی قبیریستانلیقلار سالیندیغینی و اوشاقلارلا دولدورولدوغونو گؤردوم" ایفادهسینی ایشلتدی.
اینگیلیس د گاردین قزئتینده قلمه آلدیغی یازیسیندا جیمز الدر، بیرلشمیش میللتلرده چالیشدیغی ۲۰ ایل بویونجا، غزه یولاغینین خان یونوس و غزه شهرلریندهکی ییخیمین بنزرینه شاهید اولمادیغینی و رفحه تشکیل ائدیلهجک اولاسی قورو سالدیریسیندان قایغی دویدوغونو ایفاده ائتدی.
الدر، "۳۱ اکتبردا یونیسف، غزهنی بیر اوشاق قبیریستانلیغی اولاراق تانیملامیشدی. گئچهن آی رفحده یئنی قبیریستانلیقلار سالیندیغینی و مزارلارین اوشاقلارلا دولدورولدوغونو گؤردوم. ساواش هر گئچهن گون داها چوخ اؤلوم و ییخیم گتیریر" ایفادهلرینی ایشلتدی.
ایسرائیلین داها اؤنجه "گوونلی اولدوغونو" ادعا ائتدیگی و تخمیناً ۱،۵ میلیون وطنداشین یاشادیغی رفحین عسگری اولاراق هدف آلینسا چؤکهجگینی یازان الدر، شهرده تخمیناً ۶۰۰ مین اوشاغین یاشادیغینا دقت چکدی.
جیمز الدر، ایسرائیلین رفحه اولاسی قورو سالدیریسی حاقیندا "داها پیس وضعیته دوغرو گئدهبیلر می؟ جاواب ههدیر سانکی. ۶ آی گئچدی و بو ساواش اینسانلیغین ان قارانلیق رکوردلارینی قیریر. راپورلار، ۱۴ میندن چوخ اوشاغین اؤلدورولدوگونو گؤستریر. آنجاق ساواشین سرعتی و دهشتینده بیر یاواشلاما یوخ. عکسینه، ایشلر پیسلهشیر، بو قورخودوجو گئدیشین سۆرجگینه دایر آچیق سؤزلر، تهدیدلر وار" دگرلندیرمهسینی وئردی.
ایلگیلیلی خبرلر
مسجیدده پاتلاما: ۱۱ نفر حیاتینی ایتیردی
نیجریهنین کانو ایالتینده بیر مسجیدده میدانا گلن پاتلامادا ۱۱ نفر حیاتینی ایتیردی