کنیادا 188 نفر داشقینلاردا حیاتینی ایتیردی

کنیادا تخمینا 2 هفته‌دیر تأثیرلی اولان شیدتلی یاغیشلارین سبب اولدوغو داشقینلاردا حیاتینی ایتیرنلرین سایی 188-ه یوکسلیب.

کنیا حؤکومتیندن وئریلن آچیقلامادا داشقینلارین یاراتدیغی داغینتیلارلا باغلی یئنیلنمیش معلوماتلار پایلاشیلیب.

بونا اویغون اولاراق تخمینا 2 هفته‌دیر داوام ائدن لئیسان یاغیشلارین سبب اولدوغو داشقینلاردا حیاتینی ایتیرنلرین سایی 188-ه یوکسلیب.

آچیقلامادا سئل و داشقینلار نتیجه‌سینده حیاتینی ایتیرنلردن 37-نین اوشاق اولدوغو، 90 نفرین ایتکین دوشدویو پایلاشیلیب.

بیلدیریلیب کی، اؤلکه داخیلینده 165 میندن چوخ اینسان داوام ائدن لئیسان یاغیشلار و داشقینلار سببیندن ائولرینی ترک ائتمک مجبوریتینده قالیب.

اؤلکه داخیلینده شهراطرافی قاطار خیدمتلری دایاندیریلیب.

پرزیدنت ویلیام روتو میللی گنجلیک خیدمتینه داشقیندان ضرر چکنلر اوچون مووقتی دوشرگه اوچون تورپاق آییرماغی تاپشیرمیشدی.

کنیادان باشقا دوغو آفریقا اؤلکه‌لری آراسیندا تانزانیا، بروندی و کونگو دموکراتیک جمهوریتی ده گوجلو یاغیشلارین یاراتدیغی داشقینلاردان منفی تأثیرلنیر.