دونیادا ۲۸۱ میلیون اولوسلارآراسی کؤچمن وار

دونیادا ۲۸۱ میلیون اولوسلارآراسی کؤچمن اولدوغو، یئریندن ائدیله‌نلرین ساییسینین ۱۱۷ میلیونا چاتدیغی بیلدیریلدی.

بیرلشمیش میللتلر اولوسلارآراسی کؤچ هؤرگوتو (ایوم)، "۲۰۲۴ دونیا کؤچ راپورو"نو یاییملادی.

راپور‌دا، اولوسلارآراسی کؤچون اینسانی گلیشمه و اقتصادی بؤیومه‌نین محرک گوجو اولماغا داوام ائتدیگی، بو ساحه‌ده‌کی اولوسلارآراسی باغیشلارین ۲۰۰۰دن ۲۰۲۲ ایلینه قدر یوزده ۶۵۰دن چوخ آرتاراق ۱۲۸ میلیارد دلاردان ۸۳۱ میلیارد دلارا یوکسلدیگی قید ائدیلدی.

اولوسلارآراسی کؤچون اینسانی گلیشمه‌نی دستکله‌مه‌سی داوام ائدرکه‌ن بو مؤوضوعداکی چتینلیکلرین ده سۆردوگونه ایشاره ائدیله‌ن راپور‌دا،

"دونیادا تخمینی اولاراق ۲۸۱ میلیون اولوسلارآراسی کؤچمن وارکن چاتیشما، خشونت، طبیعی فلاکت و دیگر سببلرله یئریندن ائدیله‌ن شخصلرین ساییسی ۲۰۲۲ ایلینین سونوندا ان یوکسک سویه‌لری توتاراق ۱۱۷ میلیونا چاتدی. بو وضعیت ده یئریندن ائدیلمه بحرانلارینا حل تاپمانین ضرورتینی اورتایا قویور" دئییلدی.