روسیه: بریتانیا هدفلرینی وورابیلیریک
روسیه اوکرایندا و اوکرایننین حدودلاریندان کناردا یئرلشن بریتانیا حربی وارلیقلاری و تجهیزاتی وورولا بیلر
روسیه بَیان ائدیب کی، اراضیسینه بریتانیا سیلاحلاری ایله هوجوم ائدیلرسه، اوکرایندان کناردا بریتانیا حربی عنصورلرینه ضربهلر ائندیره بیلر.
روسیه خاریجی ایشلر ناظیرلیگیندن اینگیلیستان ایله باغلی دقت چکن آچیقلاما گلیب.
ناظیرلیک، بؤیوک بریتانیانین خاریجی ایشلر ناظیری دیوید کامرون «رویترز» آژانسی ایله موصاحیبهسینده "اوکرایننین بریتانیا سیلاحلاری ایله روسیه اراضیسیندهکی هدفلره هوجوم ائتمک حوقوقو وار" آچیقلاماسینی خاطیرلادیب.
بو سببدن بَیاناتدا بؤیوک بریتانیانین مسکوداکی سفیری نایجل کیسینین ناظیرلییه چاغیریلاراق اعتیراض مکتوبو وئریلدیگی و آشاغیداکی ایفادهلردن ایستیفاده ائدیلدیگی قید ائدیلیب:
"کامرونون دوشمنجهسینه بَیاناتی بریتانیانین اوکراینا تداروک ائدیلن اوزاقمنزیللی قانادلی راکتلرین روسیه اراضیسینه قارشی ایستیفاده اولونمایاجاغی ایله باغلی اوولکی سؤزلرینه ضددیر. کامرون بو یاناشمانی رد ائدیب و اؤلکهسینین بالفعل اولاراق موناقیشه طرفی اولدوغونو اعتیراف ائدیب. روس طرفی کامرونون سؤزلرینی گرگینلیگین اثباتی و لندنین موناقیشهده کییفین طرفینده اولماسینین تصدیقی کیمی قبول ائدیر. اوکرایننین بریتانیا سیلاحلاری ایله روسیه اراضیسینه هوجوملارینا جاواب اولاراق، روسیه اوکرایندا و اوکرایننین حدودلاریندان کناردا یئرلشن بریتانیا حربی وارلیقلاری و تجهیزاتی وورولا بیلر."
ایلگیلیلی خبرلر
روسیه خارکوف ویلایتینده راکت هوجومو حیاتا کئچیریب
روسیهنین اوکراینین خارکوف ویلایتینده حیاتا کئچیردیگی راکت هوجوموندا 10 نفر اؤلوب