زاخارووا: فرانسه عسگر گؤندرسه هدفه چئوریلهجک
روسیه طرفیندن وئریلن آچیقلامادا ماکرونون اوکراینا عسگر گؤندرهجیی تقدیرده فرانسیز عسگرلرینین روسیه اوردوسونون «قانونی» هدفینه چئوریلهجَیینی بیلدیریلیب
روسیه بَیان ائدیب کی، فرانسه اؤز عسگرلرینی اوکراینا گؤندرسه، اونلار اوچون هدفه چئوریلهجک.
فرانسه پرزیدنتی امانوئل ماکرون فوریه آییندا وئردیگی آچیقلامادا 24 فوریه 2022-جی ایلده اراضیسینه داخیل اولان روسیهیه قارشی دؤیوشن اوکراینا فرانسیز عسگرلرینین گؤندریلمهسینی دقتدن کناردا قویمادیقلارینی بیلدیرمیشدی.
روسیه طرفیندن وئریلن آچیقلامادا ماکرونون اوکراینا عسگر گؤندرهجیی تقدیرده فرانسیز عسگرلرینین روسیه اوردوسونون «قانونی» هدفینه چئوریلهجَیینی بیلدیریلیب.
روسیه خاریجی ایشلر ناظیرلیگینین سؤزچوسو ماریا زاخارووا پایتخات مسکودا کئچیردیگی مطبوعات کونفرانسیندا ماکرونون آچیقلاماسی ایله باغلی سواللاری جاوابلاندیریب.
زاخارووا، "ماکرونون بو چیخیشی اونون روسیه اوچون بیر نوع «استراتژی غیرمعیینلیک» یاراتماق ایستهییدیر" دئدی.
"بیز امانوئل ماکرونو مایوس ائتملیییک" دیین روسیه سؤزچوسو، "اگر فرانسیزلار موناقیشه بؤلگهسینده گؤرونمک ایستهسهلر، قاچیلماز اولاراق روسیه اوردوسونون هدفینه چئوریلهجکلر." دئدی.
ایلگیلیلی خبرلر
روسیه خارکوف ویلایتینده راکت هوجومو حیاتا کئچیریب
روسیهنین اوکراینین خارکوف ویلایتینده حیاتا کئچیردیگی راکت هوجوموندا 10 نفر اؤلوب