آلمان و روس توریست‌لر "تورکیه‌نین گؤز ببه‌گی"
تورکیه‌یه گلن روس توریست ساییسی ۲۰۰۱دن بو یانا یوزده ٥٦۳ آرتدی
کولتور و توریزم باخانلیغی تانیتیم مودورو عیرفان اؤنال، تورکیه‌نین، یئریتدیگی باشاریلی تانیتیم ایشلریله روس و آلمان توریست‌لرین ۲۰۱٥ده ده گؤزده/محبوب هدف اؤلکه‌سی اولماغا داوام ائدجیینی ایفاده ائتدی.
اؤنال، بؤلگه‌ده و قونشو اؤلکه‌لرده یاشانان بوتون اولومسوزلوقلارا باخمایا‌راق توریزمده مارکا دگرینی یوکسلده‌جک آددیم‌لار آتیلماسی‌نین تورکیه‌نی، ۲۰۲۳ توریزم هدف‌لرینه آرخایین آددیم‌لارلا یاخینلاشدیردیغینی سؤیله‌دی.
کولتور و توریزم باخانلیغی وئریلرینه گؤره، تورکیه‌یه گلن روس توریست ساییسی ۲۰۰۱دن بو یانا یوزده ٥٦۳ آرتدی.
گئچن ایل ۱ میلیون ٦۹٥ مین ۱۳۳ روسون قوناق ائدن تورکیه، بو ایل ایلک آلتی آیدا ۱ میلیون ۹۲۳ مین ۸۱۱ روسو آغیرلادی. تورکیه‌نی گزن روس‌لارین یوزده ۷۸ی آنتالیایا، یوزده ۱٤و ایسه ایستانبولا گلدی.
گئچن ایل تورکیگیه‌یه ان چوخ گزگین گؤندرن اؤلکه ٥ میلیون ٤۱ مینله آلمانیا اولموشدو. بو ایل ایسه روسیانین آردین‌دان ایکینجی سیرادا یئر ائدن آلمانیا‌دان ایلین ایلک یاری‌سیندا ۱،۹ میلیون توریست تورکیه‌یه گلدی.
تورکیه‌نی توریزم دیری اولا‌راق ایلک کشف ائدن اؤلکه‌لردن اولان آلمانیا‌دان گلن قوناق ساییسیندا اوزون ایللردیر ثابت بیر وضعیت گؤرولور.
ایلگیلی‌لی خبرلر
آماسرایا می آییندا 4 میندن چوخ کروز یولچوسو گلیب
روسیه‌نین سوچی شهریندن یولا دوشن "آستوریا گرانده" آدلی کروز گمیسی آماسرا لیمانیندا دمیر سالیب
