تورکیه مونترال فیلم فستیوال‌یندا قوناق اؤلکه کیمی ایشتیراک ائده‌جک

 İsabelle Adjani و Willem Dafoe کیمی دونیا شهرت‌لی هالیوود اولدوزلاری‌نین دا یئر آلاجاغی فستیوال 25 آوقوست-5 سپتامبر تاریخ‌لری آراسیندا کئچیریله‌جک.

فستیوالین "اساس یاریشما"حیصه‌سینده تورک فیلم‌لری موکافات اوچون یاریشارکن "Turkish Film Focus"  حیصه‌سینده ده موختلیف فیلم‌لر نوماییش ائتدیریله‌جک.

یونتمن (کارگردان) سرن یوجهنین "روزگاردا سالینان نیلوفر" فیلمی، "World Film Competition"  حیصه‌سینده، یونتمن هانده گؤزده کورال‌ین "توز" فیلمی ایله یونتمن گؤرکم یلتان‌ین "یئمک‌ته‌یک" و "قرار وئردیم" فیلمی، "First Films"  حیصه‌سینده یونتمن جان یوجلین "یاکتین منی" فیلمی ایسه "Regard” حیصه‌سینده موکافات اوچون یاریشا‌جاق.

تورکیه‌نین قوناق اؤلکه اولماسینا گؤره تشکیل ائدیله‌جک "Turkish Film Focus" حیصه‌سینده ایسه یونتمن نوری بیلگه جئیلانین "کاسابا" و "کوزا"، اوفوک بایراکتارین "کومس"، امره کونوکون "چیراک"، بدیر آفشی‌نین "سون کوش‌لار" فیلم‌لری ایله تورک سینماسینین مهک داشلاریندان‌ عمر لطفی آکادین اؤنملی کلاسیک اثرلریندن "گلین" فیلمی نوماییش اولونا‌جاق.