امبر هرد، جانی دپه ۱۵ میلیون دلار غرامت اؤدهیهجک
جانی دپ ایله آیریلدیغی حیات یولداشی امبر هرد آراسیندا هفتهلردیر داوام ائدن بؤهتان دعویسی دپین خیرینه سونوجلاندی
آمریکادا ایکی هالیوود سینما اولدوزو جانی دپ ایله آیریلدیغی حیات یولداشی امبر هرد آراسیندا هفتهلردیر داوام ائدن بؤهتان دعویسی دپین خیرینه سونوجلاندی.
ویرجینیا فرفکس محکمهسینده باخیلان دعویده ۷ نفرلیک منصف هیئتی دپیین حاقلی اولدوغونا قرار وئردی.
هردین ۲۰۱۶.جی ایلده آیریلدیغی دپه ۱۵ میلیون دلار غرامت اؤدمهسینه قرار وئردی.
منصف هیئتی، قادین اویونچونون ۲۰۱۸.جی ایلده واشنگتن پست قزئتینده دپی "عایله ایچی استثماری تمثیل ائدن اجتماعی بیر شخصیت" اولاراق تصویر ائتدیگی یازیسی ایله قارالادیغینا حکم ائتدی.
دپ، قزئتدهکی یازییا گؤره امبر هرده ۵۰ میلیون دلارلیق دعوی آچمیش، هردین وکیللری ده دپه ۱۰۰ میلیون دلارلیق قارشی دعوی ایله جاواب وئرمیشدی.
محکمه پروسهسینده هرد، دپین اونا دفعهلرله جینسی سالدیری ائتدیگینی ادعا اتمیشدی. دیگر طرفدن، دپ ایسه هئچ واخت هردی وورمادیغینی، جینسی ساتاشما ادعالارینین اویدورما اولدوغونو و هردین اؤزونه دفعهلرله فیزیکی سالدیری ائتدیگی ادعاسینی دیله گتیرمیشدی.
ایلگیلیلی خبرلر
آنکارا-دا "روس موسیقی موزهسی" آچیلیب
پایتاخت آنکارادا تورکیه-روسیا دوستلوق ائوینده "روس موسیقی موزه سی" آچیلیب.