هیندیستاندا ائولنمه رکوردو
هیندیستاندا مسلمان و هندو توپلوملاریندان ۴ مین ۸۲۶ نفر ۶ ساعاتدان قیسا بیر مدتده ائولندی
هیندیستاندا ۶ ساعاتدان قیسا مدتده توپلو نیکاح مراسیمینده ائولهنهن ۲ مین ۴۱۳ بی و گلین، ایکی بؤلومده دونیا رکوردو قیردی.
هیندیستان مئدیاسینداکی خبرلره گؤره، راجستان ایالتینده ۲۶ میده توپلو نیکاح مراسیمی تشکیل ائدیلدی.
مراسیمده، مسلمان و هندو توپلوملاریندان ۴ مین ۸۲۶ نفر ۶ ساعاتدان قیسا بیر مدتده ائولندی.
بئلهلیکله ۲ مین ۴۱۳ بی و گلین، "۱۲ ساعاتدا ائولهنهن ان چوخ بی و گلین" و "۲۴ ساعاتدا ائولهنهن ان چوخ بی و گلین" اولماق اوزره ایکی آیری کتگوریده گینس رکوردلار کیتابینا گیردی.
راجستان باشباخانی آشوک گلوتون دا قاتیلدیغی مراسیمه، بی و گلینلرین عائلهلری و یاخینلارینین دا آرالاریندا اولدوغو ۱ میلیوندان چوخ اینسان ایشتیراک ائتدی.
توپلو نیکاح مراسیمینین، یوخسول کسیملرده یاشایان و مادی اولاراق ائولهنمکده چتینلیک چکن بی و گلینلره دستک تامین ائدن بیر مدنی قورولوش طرفیندن تشکیل ائدیلدیگی بیلگیسی پایلاشیلدی.
ایلگیلیلی خبرلر
آنکارا-دا "روس موسیقی موزهسی" آچیلیب
پایتاخت آنکارادا تورکیه-روسیا دوستلوق ائوینده "روس موسیقی موزه سی" آچیلیب.