۳ مین ایللیک قیلینج تاپیلدی
قازینتی ایشلرینده ۳ مین ایل اولینه عاید و هاراداسا پارلاقلیغینی قورویان بورونج قیلینج، گون ایشیغینا چیخاریلدی
آلمانیانین باویئرا ایالتینده آرکئولوگلار، دوناو-ریئس بؤلگهسیندهکی قازینتی ایشلرینده تونج چاغیندان قالما قیلینج تاپدی.
باویئرا ایالتی آنیدلارین قورونماسی دایرهسیندن وئریلهن آچیقلامایا گؤره، نوردلینگن شهریندهکی قازینتی ایشلرینده ۳ مین ایل اولینه عاید و هاراداسا پارلاقلیغینی قورویان بورونج قیلینج، گون ایشیغینا چیخاریلدی.
سککیزبوجاقلی توتاجاغی تامامیله بورونجدن یاپیلمیش قیلینجین میلاددان اول ۱۴.جو عصره عاید اولدوغو دوشونولور.
آرکئولوگلار، قیلینجی بیر کیشی، بیر قادین و بیر گنجین آرد آردا دفن ائدیلدیگی و بیر چوخ اؤلو هدیهسینین اولدوغو مزاردان چیخاردی. عینی مزارا باسدیریلان ۳ نفرین قوهوملوق باغینین اولوب اولمادیغی بیلینمیر.
سککیزبوجاقلی قیلینجلارین اورهتیمینین زحمتلی اولماسینا و اوزرینده ضربه ایزلرینه راست گلینمهمهسینه باخمایاراق یئنه ده قیلینجین گئرچک بیر سلاح اولاراق ایستیفاده ائدیلدیگی سانیلیر.
باویئرا صنعت اثرلرینی قوروما مسئولو پروفسور ماتیاس پفیل، قیلینجین بو شکیلده بو گونه قدر قورونماسینین فؤوق العاده بیر وضعیت اولدوغونا دقت چکهرک "بو شکیلدهکی کشفلر چوخ نادیردیر" دئدی.
ایلگیلیلی خبرلر
آنکارا-دا "روس موسیقی موزهسی" آچیلیب
پایتاخت آنکارادا تورکیه-روسیا دوستلوق ائوینده "روس موسیقی موزه سی" آچیلیب.