ایستانبول آوروپانین ان یاخشی شهری سئچیلدی

ایستانبول، سیاحت درگیسی تراول + لیژرین "دونیانین ان یاخشیلاری" اؤدول پروگرامیندا "آوروپانین ان یاخشی ۱۵ شهری" لیستین‌ده ایلک سیرادا یئرینی آلدی.
نیویورک مرکزلی درگینین اوخوجولاری "دونیانین ان یاخشیلاری" پروگرامینین بو ایلکی اؤدوللری اوچون سس وئرمه گئرچکلشدی. پروگرام چرچیوه‌سین‌ده ان بگه‌نیلن هاوا یوللاری، هاوالیمانلاری، هتللر، تور اوپراتورلاری و شهرلره سس وئریلدی.
شهر اؤدوللری اوچون اوخوجولار "توریستیک یئرلر، شهر سیمگه‌لری، مدنیت، یئمک، ایستی‌قانلی‌لیق، آلیش وئریش و دگر" کتگوریلری اوزرین‌دن سس وئردی.
ایستانبول بو لیستده "۹۰،۲۳" اورتالاماسییلا "آوروپانین ان یاخشی ۱۵ شهری" لیستین‌ده بیرینجی سئچیلدی.
چوخ آرتیق سئچه‌نه‌گین اولدوغو چوخ گؤزل بیر شهر"، "بوتون بودجه‌لره اویغون" کیمی یوروملار یازان اوخوجولار، عینی زاماندا قاپالی چارشی، سلطان احمد مسجیدی و ایستانبول بوغازینی ان سئویله‌ن توریستیک یئرلر آراسیندا گؤستردی.
ایستانبول‌داکی "Four Seasons" هتلی ده اوخوجولاردان تام پوئن آلاراق "دونیانین ان یاخشی هتلی" سئچیلدی.
لیستده، ایستانبولون آردیندان سیراسییلا بو شهرلر یئر آلدی:
"فلورانس، روما، لیسبون، پورتو، سئویا، لیوبلیانا، سان سباستیان، پراگ، بارسلونا، سالزبورگ، ادینبورگ، مادرید، بوردو، وین".