کاپادوکیا-یا گلن توریست‌لرین سایی ایکی میلیونو کئچیب

تورکیه-نین ان اهمیت‌لی توریزم مرکزلریندن بیری اولان کاپادوکیا بؤلگه‌سینده‌کی موزه و خارابا‌لیق‌لاری ایلین 7 آییندا 2 میلیون‌دان چوخ توریست زیارت ائدیب.

نئوشهیر والی لیگیندن وئریلن آچیقلامایا گؤره، یئرلی و خاریجی توریست‌لر یونسکو-نون دونیا میراث سیاهی‌سیندا یئر آلان کاپادوکیا‌داکی موزه و خارابا‌لیق‌لارا بؤیوک ماراق گؤستریب. تاریخی، طبیعی و مدنی زنگین‌لیگی ایله دقت چکن کاپادوکیانی ژانویه-جولای آیلاری آراسیندا 2 میلیون 356 مین 49 توریست زیارت ائدیب. توریست‌لر گؤره مه آچیق هاوا موزه‌سی ، زئلوه خارابا‌لیق‌لاری و کایماک‌لی یئرالتی شهرینه بؤیوک ماراق گؤستریب. بؤلگه‌ده‌کی موزه و خارابا‌لیق‌لاری اؤتن ایلین عینی دؤورونده 1 میلیون 892 مین 112، 2021-جی ایلین عینی دؤورونده ایسه 854 مین 449 یئرلی و خاریجی توریست زیارت ائتمیشدی.