رابی ویلیامز تورکیهده کونسرت وئردی
"فرقینه واردیم کی، حیات یولداشیمین ان سئودیگیم اؤزللیکلری تورک اولماسیندان قایناقلانیر. بونا گؤره تورکلری چوخ سئویرم"
اینگیلیس موغنی و ماهنی یازاری رابی ویلیامز، تورکیهده ایلک دفعه کونسرت وئردی.
بوتون زامانلارین ان مشهور قروپلاریندان بیری اولاراق گؤستریلهن "تیک دت"دن آیریلاراق تک باشینا داوام ائدن و تورکیهده ده چوخ سئویلهن ویلیامز، لوژو هتل بودرومدا صحنهیه چیخدی.
رابی ویلیامز، تخمیناً ۱ ساعات یاریملیق کونسرت بویونجا ماهنی آرالاریندا ایزلهییچیلرله صحبت ائتدی.
"بو منیم تورکیهدهکی ایلک کونسرتیم" دئیهن ویلیامز، هله ۱۶ یاشیندایکن ۱۹۹۰-جی ایللرده موسیقییه باشلادیغی تیک دت قروپو گونلریندن ویدئولار ایزلهتدی و ضارافاتلار ائدرک ایزلهییچیلری گولدوردو.
کونسرتده "سترونگ"، "کام اوندان"، "دون لووک بک ان انگر"، "فیل"، "کیدز" و "راک دیجی" سسلهندیرهن ویلیامز، حیاتینین ان موتلو دؤنمینده اولدوغونو آچیقلادی.
ویلیامز ،"گنج ایکن ایکی قورالیم وار ایدی. اصلا ائولهنمهمک و اوشاق صاحبی اولماماق ایدی. ایندی ایسه حیات یولداشیم آیدا و دؤرد اوشاغیملا هئچ اولمادیغیم قدر موتلویام" دئدیکدن سونرا "لاو می لایف" ماهنیسینی ایزلهییچیلر آراسیندا اولان بیر ار - خاتون و اوغوللارینا اتحاف ائتدی.
ایلک آرانین آردیندان کونسرتینه "نو رگرتس"، "شیز ده وان" ایله داوام ائدن صنعتچی، سون ماهنیسی "اینجلس"ی تورک کؤکلریندن غرور دویان حیات یولداشی آیدا و اونون ۹ ایل اؤنجه ۱۷ آگوستدا ایتیردیگی آتاسینا حصر ائدرک، "فرقینه واردیم کی، حیات یولداشیمین ان سئودیگیم اؤزللیکلری تورک اولماسیندان قایناقلانیر. بونا گؤره تورکلری چوخ سئویرم" دئیه دانیشدی.
ماهنینی سؤیلرکن حیات یولداشینا تلفون ائدن رابی، ماهنینی جانلی اولاراق دینلهتدی.