ایستانبولا بیر آیدا ایکی میلیونا یاخین توریست گلدی
گئچهن ایل جولایدا ۱ میلیون ۷۵۹ مین ۵۰۶ خاریجی توریستین گزدیگی شهر، بو جولایدا ۱ میلیون ۸۷۳ مین ۹۷ خاریجی توریستی آغیرلادی
ایستانبول، جولای آییندا آغیرلادیغی ۱ میلیون ۸۷۳ مین ۹۷ نفر ایله سون ۱۰ ایلین آیلیق اولاراق ان یوکسک توریست ساییسینا چاتدی.
ایستانبول ائل مدنیت و توریزم مودورلوگو بیلگیلرینه گؤره، ایستانبولا ۲۰۲۲ین ایلک ۷ آیلیق دؤنمده ۸ میلیون ۵۱۴ مین ۸۰۶ خاریجی توریست گلدی.
توریست ساییسی بو دؤنمده یوزده ۱۵ آرتاراق ۹ میلیون ۷۷۶ مین ۶۳۵ اولدو.
گئچهن ایل جولایدا ۱ میلیون ۷۵۹ مین ۵۰۶ خاریجی توریستین گزدیگی شهر، بو جولایدا ۱ میلیون ۸۷۳ مین ۹۷ خاریجی توریستی آغیرلادی.
بئلهجه جولایدا گلن خاریجی توریست ساییسی گئچهن ایله گؤره تخمیناً یوزده ۶ آرتدی.
روسلار، جولایدا ایستانبولا گلن ۱۸۵ مین ۶۳۶ توریستله گئچهن آی اولدوغو کیمی ایلک سیرادا یئر آلدی.
روسیانی ۱۳۵ مین ۵۶۸ توریستله آلمانیا، ۱۳۵ مین ۹۶ نفرل سعودی عربیستان، ۱۰۵ مین ۴۱ توریستله آمریکا بیرلشمیش دؤولتلری، ۹۷ مین ۳۵۲ قوناقلا ایران، ۶۹ مین ۲۶۳ نفرله فرانسا، ۶۹ مین ۶ توریستله اینگیلتره، ۵۱ مین ۲۵۷ نفرله عراق، ۴۵ مین ۸۵۴ قوناقلا کویت، ۴۵ مین ۲۵۷ نفرله اسرائیل، ۴۴ مین ۲۷۳ توریستله هلند ایزلهدی.
جولایدا ۱۹۶ اؤلکهدن توریست گلن شهره، سولومون آدالاری، قوزئی کره و پاپوا یئنی گینهدن بیر، لائوس و دوغو تیموردان ۲ قوناق گلدی.