تانریچا نیکهنین ایکینجی هیکلی تاپیلدی
آلانیانین سیئدرا آنتیک شهرینده بیر هفته آرایلا تخمیناً ۱۸۰۰ ایللیک روما دؤنمینه عاید تانریچا نیکهنین (ظفر تانریچاسی) ایکینجی هیکلی تاپیلدی
آنتالیانین آلانیا ائلچهسی سیئدرا آنتیک شهرینده بیر هفته آرایلا تخمیناً ۱۸۰۰ ایللیک روما دؤنمینه عاید تانریچا نیکهنین (ظفر تانریچاسی) ایکینجی هیکلی تاپیلدی.
آنتیک شهردهکی قازی ایشلری، مدنیت و توریزم باخانلیغی مدنیت وارلیقلاری و موزهلر باش مودورلوگونون دستکلری ایله قاراماناوغلو محمدبی اونیوئرسیتهسی آرکئولوژی بؤلومو اوستادی و سیئدرا آنتیک شهری قازی باشقانی دکتر ارتوغ ارگوراَر باشقانلیغینداکی قروپ طرفیندن بئش ایلدیر داوام ائدیر.
سیئدرا آنتیک شهرینده بیر هفته اؤنجه تاپیلان ظفر تانریچاسی نیکهنین هیکلینین ایکینجیسی ده داوام ائدن چالیشمالار نتیجهسینده اورتایا چیخاریلدی.
اؤته یاندان، قازیلار و آراشدیرمالار دایرهسی باشقانلیغینین سوسیال مئدیا حسابیندان،
"آلانیا-سیئدرا آنتیک شهری قازیلاریمیزدا ۸۳ سانتیمتر یوکسکلیگینده میلاددان سونرا ۲.جی عصره تاریخلنهن بیر نیکه هیکلی داها اورتایا چیخاریلدی" پایلاشیمی ائتدی.