آوروپالی گنجلر اورتالاما ۲۶،۴ یاشیندا عائلهلریندن آیریلیر
آوروپا بیرلیگی اؤلکهلری آراسیندا گنجلرین ان ائرکهن یاشدا ائودهن آیریلدیغی اؤلکه فنلاند اولدو
آوروپا بیرلیگی اؤلکهلرینده گنجلر اورتالاما ۲۶،۴ یاشیندا عائلهلریندن آیریلاراق اؤز ائولرینی قورور.
آوروپا استاتیستیک اوفیسی (یوروستات)، آوروپا بیرلیگی اؤلکهلرینده گنجلرین اورتالاما نئچه یاشیندا عائلهلرینین ائولریندن آیریلدیقلارینا باغلی ۲۰۲۲ ایلی بیلگیلرینی یاییملادی.
بیلگیلره گؤره، آوروپالی گنجلر اورتالاما ۲۶،۴ یاشیندا عائلهلریندن آیری یاشاماغا باشلاییر.
آوروپادا کیشیلر اورتالاما ۲۷،۳، قادینلار ایسه اورتالاما ۲۵،۴ یاشیندا عائلهلریندن آیری یاشاماغا باشلادی.
آوروپا بیرلیگی اؤلکهلری آراسیندا گنجلرین ان ائرکهن یاشدا ائودهن آیریلدیغی اؤلکه فنلاند اولدو.
فنلانددا گنجلر اورتالاما ۲۱،۳ یاشیندا آیری ائوه چیخدی.
فنلاندی ان یاخین ۲۱،۴ یاشلا سوئد، ۲۱،۷ یاشلا دانمارک و ۲۲،۷ یاشلا استونی ایزلرکهن، گنجلر هلندده ۲۳، فرانسادا ۲۳،۴، آلمانیادا ۲۳،۸ یاشیندا اؤز ائولرینی قوردو.
اؤز ائوینی قورما یاشی کروواسیده ۳۳،۴، اسلوواکیده ۳۰،۸، یونانیستاندا ۳۰،۷، بولقاریستان و ایسپانیادا ۳۰،۳، مالتادا ۳۰،۱، ایتالیادا ۳۰ اولدو.