قونیا کپنک باغچاسینا گلن قوناق ساییسیندا رکورد
قونیانین سلجوقلو ائلچهسی فرقلی نؤوعلردن کپنک و جانلی بیتکیلره ائو صاحبلیگی ائدن تروپیک کپنک باغچاسی، بو یای دا رکورد ساییدا قوناق آغیرلادی
قونیا تروپیک کپنک باغچاسی، جولایدا ۱۱۷ مین ۷۳۴ نفرله قوناق رکوردو قیردی.
قونیانین سلجوقلو ائلچهسی فرقلی نؤوعلردن کپنک و جانلی بیتکیلره ائو صاحبلیگی ائدن تروپیک کپنک باغچاسی، بو یای دا رکورد ساییدا قوناق آغیرلادی.
بلدیهدن وئریلهن یازیلی آچیقلامایا گؤره، باغچانی جولایدا یئرلی و خاریجی ۱۱۷ مین ۷۳۴ نفر گزدی.
بئلهجه گئچهن ایلین جولای آیینا مقایسهده قوناق ساییسیندا یئنی رکورد قیریلمیش اولدو.
آچیقلامادا گؤروشلرینه یئر وئریلهن سلجوقلو بلدیه باشقانی احمد پکیاتیرماجی، بونلاری قید ائتدی:
"قونیا تروپیک کپنک باغچامیزدا رکورد ساییلاردا قوناق آغیرلاییریق. کپنکلرین حیات دؤنگوسو اصلینده بیر معجزه. گلن قوناقلاریمیز دا کپنکلرین بارامادان پوپا/شفیره حالینا گئچیشینی و کپنگه چئوریلمهسینی اورادا ایزلهییب بو معجزهیه ده شاهیدلیک ائتمیش اولور. ژوئن، جولای و آگوستدا چوخ قوناق آغیرلایان باغچامیز، یئنه رکورد سویهلره چاتدی و بو قوناق ساییمیز بو آنا قدر ۴۳۷ مین ۲۵۵ نفره چاتدی. گئچهن ایل جولایدا قیردیغیمیز رکوردو بو ایل جولایدا ۱۱۷ مین ۷۳۴ قوناق ساییسینا چاتاراق یئنیلهمیش اولدوق".
قونیا تروپیک کپنک باغچاسی، آچیلدیغی ۲۰۱۵دن بو یانا ۲ میلیون ۹۵۰ مین ۲۷۴ قوناغی آغیرلادی.