کنیا، بوتون اؤلکهلره ویزا معافیتی تانییاجاق
کنیا دؤولت باشقانی روتو، کنیانین اینسانلیغین ایلک یئرلهشیم یئرلرینه ائو صاحبلیگی ائتدیگینه ایشاره ائدرک، بورایا گلنلردن ویزا ایستهمهنین دوغرو اولمایاجاغینی سؤیلهدی
2033193
کنیا دؤولت باشقانی ویلیام روتو، اؤلکهسینین بیر نئچه آی ایچینده بوتون اؤلکهلره ویزا معافیتی تانیمانی پلانلادیغینی بیلدیردی.
ده ستار قزئتینین خبرینه گؤره، باشکند نایروبیده ائدیلهن آفریقا ایقلیم ذیروهسینده دانیشان روتو، کنیانین اینسانلیغین ایلک یئرلهشیم یئرلرینه ائو صاحبلیگی ائتدیگینه ایشاره ائدرک، بورایا گلنلردن ویزا ایستهمهنین دوغرو اولمایاجاغینی سؤیلهدی.
روتو، اؤلکهسینین بوتون اینسانلیغین ائوی اولدوغونو ایفاده ائدرک،
"بیر نئچه آی ایچینده، بوتون ویزالاری قالدیرماغی پلانلاییریق" ایفادهسینی ایشلتدی.
وظیفهیه گلدیگیندن بو یانا چوخ ساییدا اؤلکه ایله ویزانی قالدیران روتو، داها اؤنجه بوتون آفریقالیلارا ویزا معافیتی وئرجگینی آچیقلامیشدی.