ایستانبولداکی کلیسه آچیلیشی دونیا مطبوعاتیندا
ایستانبول یئشیلکؤیده مور افرم سوریانی قدیم اورتودوکس کلیسهسینین آچیلیشی ائدیلدی
ایستانبولدا، تورکیه جمهوریتی تاریخینده تیکیلهن ایلک کلیسهنین آچیلیشینا، دونیا مطبوعاتیندا گئنیش یئر وئریلدی.
دونن، یئشیلکؤیده مور افرم سوریانی قدیم اورتودوکس کلیسهسینین آچیلیشی ائدیلدی.
آلمانیانین ان بؤیوک خبر آژانسی دپآ، خبری "تورکیهده جمهوریتینین قورولوشوندان بو یانا ایلک کلیسه آچیلیشی" باشلیغییلا دویوردو.
خبرده، ایستانبول سوریانی وقفی باشقانی سعید سوسینین دانیشماسیندا، جمهورباشقانی رجب طیب اردوغانا تشکر ائتدیگینه یئر وئریلدی.
آلمان رادیو کانالی دویچلندرادیو، خبری شکیللی اولاراق اینترنت سایتینا داشیدی و "اردوغان، جمهوریت تاریخینین ایلک رسمی کلیسهسینی آچیر" باشلیغینی ایشلتدی.
فرانسیز خبر آژانسی آفپ، خبری "اردوغان، ۱۰۰ ایللیک جمهوریت تاریخینده بیر ایلک اولاراق ایستانبولدا کلیسه آچدی" باشلیغییلا سرویس ائتدی.
جمهورباشقانی اردوغانین آچیلیش دانیشماسینداکی "یهودیلر، خریستیانلار، اؤلکهمیزدهکی بوتون توپلولوقلارین بیر یئرده یاشاماسیندان موتلولوق دویوروق" سؤزلرینه یئر وئریلدی.
یونانیستان دؤولت کانالی ایرت، مور افرم سوریانی قدیم اورتودوکس کلیسهسینین آچیلیشینی اینترنت صحیفهسینه داشیدی.
خبرده، مور افرم کلیسهسینین آچیلیشینین تورکیه اوچون اؤنملی بیر مدنی و سیاسی آنا ایشاره ائتدیگی وورغولاندی.