بلا حدید: نتانیاهو معاصر هیتلردیر
"اگر اسرائیل‌لیلر ساواشماغی بوراخسالار، باریش اولار. اگر فلسطین‌لیلر ساواشماغی بوراخسالار، فیلیسطین یوخ اولار"
مشهور فسلطین‌لی مدل بلا حدید، سوسیال مئدیا حسابیندا اسرائیل باشباخانی نتانیاهویا آغیر تپکیلر گؤستردی.
سوسیال پایلاشیم سایتی اینستاگرام‌دا ۶۰ میلیوندان چوخ تعقیبچیسی اولان و ۲۰۲۳ون ان ائتکیلی شخصلریندن بیری سئچیله‌ن مدل بلا حدید، فلسطین‌ده‌کی سون گلیشمه‌لردن سونرا سسسیزلیگینی پوزدو.
حدید:
"ایش یاشامیم یوخ اولسا بئله فلسطینی دستکله‌مکدن اصلا واز گئچمه‌یه‌جه‌یه‌م. مدللیک ایشلرینی ایتیرمکدن قورخمورام و فلسطین حاقیندا سسیمی یوکسلتمه‌یه داوام ائد‌جه‌یه‌م. اسرائیل باشباخانی نتانیاهو، یئنی هیتلردیر! ۲ میلیون یاریم فلسطین‌لییه یئنی بیر قبیریستانلیق یاراتماق اوچون چالیشیر. او معاصر زامانلارین هیتلری! اگر اسرائیل‌لیلر ساواشماغی بوراخسالار، باریش اولار. اگر فلسطین‌لیلر ساواشماغی بوراخسالار، فیلیسطین یوخ اولار" ایفاده‌لرینی ایشلتدی.
حماسین عسگری قانادی قسام توغایلاری، جمعه‌ائرته‌سی گونو اسرائیله "الاقصی توفانی" آدلی احاطه‌لی بیر سالدیری باشلاتدیغینی بیلدیرمیشدی. غزه‌دن اسرائیله مینلرجه راکت آتیلارکه‌ن سلاحلی قروپلار دا بؤلگه‌ده‌کی یئرله‌شیم یئرلرینه گیرمیشدی.
اسرائیل اوردوسو دا ساواش اوچاقلاری ایله غزه‌یه دمیر قیلینجلار عملیاتی باشلاتدیغینی آچیقلامیشدی.
آرتان گرگینلیکده هر ایکی طرفدن یوزلرجه جان ایتکیسی وار.
