ترت باش مودورو آسیا پاسیفیک یایین بیرلیگی باشقانلیغینا سئچیلدی
ترت باش مودورو محمد زاهید سوباچی، ۳ ایللیگینه آسیا پاسیفیک یایین بیرلیگی باشقانی سئچیلدی
آسیا پاسیفیک یایین بیرلیگی باشقانلیغینا، تورکیه رادیو تلویزیون قورومو (ترت) باش مودورو محمد زاهید سوباچی سئچیلدی.
تخمیناً ۳،۵ میلیارد ایزلهییچییه چاتان و ۶۵ اؤلکهدن ۲۴۶ عضوو ایله دونیانین ان بؤیوک یایین بیرلیگی اولان آسیا پاسیفیک یایین بیرلیگینین ۶۰.جی باش قورول ییغینجاغی، گونئی کره یایین قورومونون ائو صاحیبلیگینده ۳۱ اکتبر - ۱ نوامبر ۲۰۲۳ تاریخلرینده سئولدا تشکیل ائدیلدی.
ییغینجاقدا، ترت باش مودورو محمد زاهید سوباچی، ۳ ایللیگینه آسیا پاسیفیک یایین بیرلیگی باشقانی سئچیلدی.
زاهید سوباچی، دونیانین ان بؤیوک یایین بیرلیگی اولان آسیا پاسیفیک یایین بیرلیگینین باشقانی اولاراق سئچیلمهسینین تورکیهنین هر ساحهده لیدئر اؤلکه اولما هدفی اوچون اؤنمینه وورغو ائتدی.
آسیا پاسیفیک یایین بیرلیگی باشقانلیغینین تورکیهیه گلمهسینی، تورکیهنین یوکسلیشینین بیر آددیمی، بیر یانسیماسی اولاراق دگرلندیردیگینی سؤیلهیهن سوباچی، "آسیا پاسیفیک یایین بیرلیگی باشقانلیغینین جمهوریتین ۱۰۰.جو ایلینه برابر گلمهسی بیزلر اوچون آیریجا سئویندیریجی اولدو. بو میللت هانسی شرطلر آلتیندا اولورسا اولسون، ایمکانلاری نه قدر محدود اولورسا اولسون، موباریزهسیندن اصلا گئری دورمامیشدیر و هدفلرینی هر زامان گئرچکلشدیرمیشدیر. بو سببدن اصلینده ایندی ده دونیانین ان بؤیوک یایین بیرلیگینین تقدیم ائتدیگی ایمکان و پتانسیلی ده بو مقصدلر ایستیقامتینده سفربر ائدرک بو سورهجی داها گوجلو بیر شکیلده ایجرا ائدهبیلهجگیمیزی دوشونورهم" دئدی.