اردوغان، مؤولانانی آنما مراسیمینه مئساژ گؤندردی
"حضرت مؤولانانین حیکمت بولاغیندان سوزوله‌ن توصیه‌لرینه هر زامانکیندان داها چوخ احتیاج دویدوغوموز گۆنلردن گئچیریک"
جمهورباشقانی رجب طیب اردوغان، تۆرکیه اولاراق ایسرائیللی یؤنه‌تیچیلرین حقوق و تاریخ قارشیسیندا حساب وئرمه‌لری اوچون وار اولان بوتون مکانیزملردن ایستیفاده ائتمکدن چکینمه‌یه‌جکلرینی ایفاده ائتدی.
اردوغان، کونیا مؤولانا مدنیت مرکزینده گئرچکلشدیریلن حضرت مؤولانانین ۷۵۰.جی وصلت ایل دؤنومو اولوسلارآراسی آنما مراسیملرینه مئساژ گؤندردی.
اردوغان، بؤیوک متفکیر، متصوف و کؤنول سلطانی مؤولانا جلال‌الدین رومینی رحمتله یاد ائتدی.
"حضرت مؤولانانین حیکمت بولاغیندان سوزوله‌ن توصیه‌لرینه هر زامانکیندان داها چوخ احتیاج دویدوغوموز گۆنلردن گئچیریک" ایفاده‌لرینی ایشلدن اردوغان، ۷ اکتبردان بری غزه‌ده و ایشغال آلتینداکی فیلیسطین تورپاقلاریندا یاشانان ایسرائیل دهشتینه توخوندو.
اردوغان،
"اؤزلرینی اینسان حاقلاری و آزادلیقلاری ساوونوچوسو اولاراق گؤستره‌ن بعضی اؤلکه‌لرین شرط‌سیز دستگینی آلان ایسرائیل یؤنه‌تیمی ظلمونو داواملی آرتیراراق قان تؤکمه‌یه، جان آلماغا، اوشاقلاری قتل ائتمه‌یه داوام ائدیر" دئدی.
تۆرکیه اولاراق ایسرائیللی یؤنه‌تیچیلرین حقوق و تاریخ قارشیسیندا حساب وئرمه‌لری اوچون وار اولان بوتون مکانیزملردن ایستیفاده ائتمکدن چکینمه‌یه‌جکلرینی وورغولایان اردوغان،
"حضرت مؤولانانین ایزیندن گئده‌رک، دینینه، کؤکه‌نینه، رنگینه، کیملیگینه باخمادان مظلومون و ضرر گؤره‌نین یانیندا اولماغی داوام ائتدیره‌جییک" ایفاده‌لرینی ایشلتدی.
