دیارباکیردا ۱۸۰۰ ایللیک جراحی عملیات آلتلری تاپیلدی
زرزوان قالاسیندا یئریدیلهن قازینتیلاردا، میتراس دینینه عاید یئرآلتی معبدینین یاخینیندا ۱۸۰۰ ایللیک جراحی عملیات آلتلری تاپیلدی
دیارباکیرین چینار ائلچهسیندهکی زرزوان قالاسیندا یئریدیلهن قازینتیلاردا، میتراس دینینه عاید یئرآلتی معبدینین یاخینیندا ۱۸۰۰ ایللیک جراحی عملیات آلتلری تاپیلدی.
بیرلشمیش میللتلر تحصیل، بیلیم و مدنیت تشکیلاتی (یونسکو) دونیا میراثی گئچیجی لیستینه آدینی یازدیران تاریخی قالادا، مدنیت و توریزم باخانلیغی، والیلیک، دیارباکیر موزهسی، چینار باش مقائم مقاملیغی و دجله اونیوئرسیتهسینین قاتقیلارییلا ۲۰۱۴.جو ایلده باشلادیلان قازی ایشلری سۆرور.
بو گونه قدر ۶۰ دؤنوم آلان اۆزرینده ۱۲-۱۵ متر یۆکسکلیگینده و ۱۲۰۰ متر اوزونلوغوندا ساوونما دوواری قالیغی، ۲۱ متر یۆکسکلیگینده گؤزلم و ساوونما بورجو، کلیسه، یؤنهتیم بیناسی، ائولر، تاخیل و سلاح آنبارلاری، قایا مزارلاری، سو کاناللاری ایله ۵۴ سو سارنیجی، یئرآلتی کلیسهسی، ۴۰۰ آنفرین سیغاجاغی یئرآلتی سیغیناغی، گیزلی گئچیدلر، میلاددان سونرا ۴.جو عصرده خریستیانلیغین منیمسنمهسی ایله اؤنمینی ایتیرهن، دؤنمین میتراس دینینه عاید یئرآلتی تاپیناغی و بیر چوخ اثر اورتایا چیخاریلدی.
قالادا بو ایل باشلایان قازیلاردا، گئچهن آی ۱۹۰۰ ایللیک میتراس معبدینین آنیدسال قاپیسینا چاتیلدی.
بو بؤلگهده چالیشمالاری یئریدن اوزمان قروپ، ۱۸۰۰ ایللیک ایکی جراحی عملیات آلتی تاپدی.
قازی باشقانی دکتر آیتاچ جوشغون، قالانین گیریشینده تیکیلهجک موزه پروژهسینی یاخیندا باشلاتماغی پلانلادیقلارینی ایفاده ائدرک، بؤلگهدن چیخاریلان مینلرجه اثرین بو موزهده سرگیلنهجگینی سؤیلهدی.