اردوغان: اینسانلیق آدینا اوتانج وئریجیدیر
"تاریخ بو ایرنج تابلو، بونا یوا آچانلاری، گؤز یومانلاری مشروعلاشدیرماغا چالیشانلاری لایق اولدوقلاری شکیلده یارغیلایاجاق"
جمهورباشقانی رجب طیب اردوغان، ایسرائیلین غزه یولاغینداکی سالدیریلارییلا باغلی اولاراق،
"تاریخ بو ایرنج تابلو، بونا یوا آچانلاری، گؤز یومانلاری مشروعلاشدیرماغا چالیشانلاری لایق اولدوقلاری شکیلده یارغیلایاجاق" دئدی.
باشکند آنکارادا جمهورباشقانلیغی مجتمعینده تشکیل ائدیلهن "جمهورباشقانلیغی کۆلتور صنعت بؤیوک اؤدوللری" مراسیمینده دانیشان اردوغان، ایسرائیلین غزهدهکی سالدیریلارینا توخوندو.
ایسرائیلین قیرغینینا سسسیز قالانلاری بیر دفعه داها سرت بیر دیلله تنقید ائدن جمهورباشقانی،
"آنلی شانلی او قدر دؤولتین ایسرائیلین قیرغین و اوغورلوق اۆزرینه قورولو وحشی سالدیریلاری قارشیسیندا الی قولو باغلی دورماسی، اینسانلیق آدینا اوتانج وئریجیدیر" ایفادهلرینی ایشلتدی.
"(ایسرائیلین فیلیسطینه سالدیریلاری) تاریخ بو ایرنج تابلو، بونا یوا آچانلاری، گؤز یومانلاری مشروعلاشدیرماغا چالیشانلاری لایق اولدوقلاری شکیلده یارغیلایاجاق" دئیهن اردوغان، ۲۰۲۴.جو ایلین، ظالیملارین لایق اولدوقلاری جزانی گؤردوگو، مظلوملارین یارالارینین ساریلدیغی بیر ایل اولاجاغینا ایناندیغینی ایفاده ائتدی.