آلن دلونون ائوینده چوخلو سیلاح و مینلرجه گولّه تاپیلیب

فرانسیز آکتورو آلن دلونون ائوینده 72 سیلاح و 3 میندن چوخ گولّه اله کئچیریلیب.

پایتاخت پاریسدن تقریبن 135 کیلومتر گونئیده یئرلشن دوشی-مونکوربوندا آکتورون ائوینده ده آتیش پولیگونو تاپیلیب.

چرشنبه آخشامی آختاریش محکمه رسمیسی دلونون ائوینده سیلاح گؤروب حاکیمه خبر وئردیکدن سونرا آپاریلیب.

ساوجیلار دلونون سیلاح ایجازه‌سی اولمادیغینی بیلدیریبلر.

آلن دلونون ساغلیغی 2019 ایلینده فلج کئچیردیکدن سونرا پیس وضعییتده ایدی. فرانسا مطبوعاتینین یازدیغینا گؤره، دلونون داها بیر اوستو آچیلمایان آغیر بیر خستلیگی وار.

اونون عائیلسیندکی فیکیر آیریلیقلاری سون واختلار فرانسادا دا مانشتلره داشیندی.

آکتورون اوچ اؤولادی بیر-بیرلرینه قارشی محکمه چکیشمه‌سی آپاریرلار کی، بو دا بیر سیرا تحقیرلر، ایتیهاملار و گیزلی سس قئیدینین باسینا یانسیماسینی ائحتیوا ائدیر.

دلونون آکتور کیمی توپلوم قارشیسیندا سونونجو چیخیشی 2019 ایلینده کن فیلم فستیوالیندا فخری قیزیل پالمیه آلماسی، عینی ایلین سپتامبریندا ایسه دوستو و فیلم اولدوزو ژان-پول بئلموندونون پاریسده دفن مراسیمینده ایشتیراک ائتمسی اولوب.