ت‌رت‌نین یئنی دیزیسی؛ محمد: فتحلر سلطانی
"محمد: فتحلر سلطانی دیزیمیز اولوسلارآراسی ساحه‌ده تۆرکیه برندینی بؤیوده‌جک بیر گیریشیمدیر"
تۆرکیه رادیو تلویزیون قورومو ت‌رت‌نین دیزیسی محمد: فتحلر سلطانینین ایلک گؤستریمی ائدیلدی.
ایستانبولداکی اؤن گؤستریمه جمهورباشقانلیغی ایله‌تیشیم باشقانی فخرالدین آلتون دا قاتیلدی. دیزینین تۆرکیه برندینه جدی قاتقی وئره‌جگینه ایشاره ائد‌ن آلتون،
"محمد: فتحلر سلطانی دیزیمیز اولوسلارآراسی ساحه‌ده تۆرکیه برندینی بؤیوده‌جک بیر گیریشیمدیر" دئدی.
آلتون، بو پروژه ایله تۆرکیه‌نین خالق کۆلتورو صنعتینه، کۆلتورل بیریکیمینه و یایین حیاتینا جدی بیر قاتقی وئرمه‌یی آرزو ائتدیکلرینی وورغولایاراق،
"دیزینین قونوسو، مدنیتلر تاریخی باخیمیندان، دونیا تاریخی باخیمیندان چوخ حیاتی بیر آکتورو اساس آلیر. فاتح سلطان محمدی و فاتح سلطان محمدین ایستانبولون فتحی باشدا اولماق اوزره اورتایا قویدوغو باشاریلاری گؤستریر و بونو روایت ائدیر. بو سریال اساس اعتیبارییلا فاتح سلطان محمدین، عثمانلی دؤولتینی قورومساللاشدیران، گئرچک معنادا بوتون عنصورلاریلا دؤولت حالینا گتیره‌ن بیر حؤکمدار اولدوغونو ایضاح ائدیر" دئدی.
سون اوچ ایلده کۆره‌سل ساحه‌ده تۆرک سریاللارینا اولان طلبین یوزده ۱۸۳ نیسبتینده آرتدیغینی، بو گون دونیا سویه‌سینده بیر میلیاردا یاخین اینسانین تۆرک سریاللارینی ایزله‌دیگینی سؤیله‌یه‌ن آلتون،
"بو بیزیم کۆلتورل استثمار دۆزنینه، کۆره‌سل امپریالیزمه، کۆلتورل کیفیتسیزلشدیرمه گیریشیملرینه قارشی بیر مقاومت چابامیزدیر" دگرلندیرمه‌سینی وئردی.
پروژه‌نین حیاتا گئچیریلمه‌سینده چوخ بؤیوک بیر سرمایه و امک اولدوغونون وورغولایان ایله‌تیشیم باشقانی،
"بو امه‌گی اورتایا قویان بوتون ایش یولداشلاریما، ت‌رت‌یه، بو اؤنملی پرویژه‌نین یاپیمچیسینا اویونچوسونا، یؤنه‌تمنینه، ست اکیبینه کؤنولدن تشکر ائدیره‌م" دئیه دانیشدی.
