ایراندا سون چرشنبه قوتلامالاریندا ان آز ۱۴ نفر اؤلدو
ایلین سون چرشنبه گئجهسی ائدیلهن چرشنبه سوری قوتلامالاری سیراسیندا میدانا گلن قضالاردا ۱۴ نفر حیاتینی ایتیردی، ۳ مین ۲۵۳ نفر یارالاندی
ایراندا، هیجری شمسی تقویمینه گؤره ایلین سون چرشنبه گئجهسی ائدیلهن چرشنبه سوری قوتلامالاری سیراسیندا میدانا گلن قضالاردا ۱۴ نفر حیاتینی ایتیردی، ۳ مین ۲۵۳ نفر یارالاندی.
مهر خبر آژانسینین خبرینه گؤره، ۲۰ فوریهده باشلایان حاضرلیق سۆرهجیندن ۱۲ مارسدا باشلایان اؤلکهدهکی سون چرشنبه قوتلامالارینا قدر ۱۴ دنفر حیاتینی ایتیررکهن ۳ مین ۲۵۳ نفر ده یارالاندی. یارالانانلاردان ۱۸۹ونون عضولرینی ایتیردیگی، ۹۸۱ینده ایسه موختلیف درجهلرده یانیق میدانا گلدیگی قید ائدیلدی.
باشکند تهراندا آخشام ساعاتلاریندا باشلایان قوتلامالاردا چئشیدلی هاوا فیشنگلری و آرا آرا دا ال یاپیمی پاتلاییجیلاردان ایستیفاده ائدیلدی.
شهرده آتیلان هاوا فیشنگلری سببی ایله گؤی اۆزونو توستو بولودو اؤرتدو. هارداسا هر کوچه و جادهده آتیلان هاوا فیشنگلری و پاتلاییجی مادهلر سببی ایله اورتالیغی باریت قوخوسو ساردی.
بعضی پارکلاردا توپلانانلار هاوا فیشنگی گؤستریلرینی ایزلمهیی، کیمی تهرانلیلار ایسه یاندیردیقلاری تونقالین اوستوندن آتیلماغی ترجیح ائتدی.
شهرین دؤرد بیر طرفینده ائشیدیلهن پاتلاما سسلری گئجه یاریسینا قدر آرالیقسیز داوام ائتدی.
هیجری شمسی تقویمیندن ایستیفاده ائدیلدیگی ایراندا یئنی ایل بایرامی ۲۱ مارسدا باشلاییر.