میلاددان اؤنجه‌سینه عاید گمی قالینتیلاری تاپیلدی
یونانیستاندا میلاددان اؤنجه ۳۰۰۰ ایله میلاددان سونرا ۳۰۰ آراسیندان قالما گمی قالینتیلاری تاپیلدی
یونانیستاندا آرکئولوگلار، میلاددان اؤنجه ۳۰۰۰ ایله میلاددان سونرا ۳۰۰ آراسیندان قالما گمی قالینتیلاری تاپدی.
یونانیستان مدنیت باخانلیغی طرفیندن یاییملانان آچیقلامادا، اژه‌نین گونئیینده اولان چوبان آداسیندا (کاسوس) اوزون سۆره‌ن سو آلتی آرکئولوژیک آراشدیرمالاری چرچیوه‌سینده هلنیستیک، روما، بیزانس، اورتا چاغ و عثمانلی دؤنملرینه عاید ۱۰ گمی قالینتیسی تاپیلدیغی ایفاده ائدیلدی.
ایسپانیا، ایتالیا و آفریقا ساحللریندن گلن ماللاری داشییان گمیلره عاید قالینتیلارین میلاددان اؤنجه ۳۰۰۰ ایله میلاددان سونرا ۳۰۰ آراسینا عاید اولدوغو بیلدیریلن آچیقلامادا، اولوسال آراشدیرما وقفینین آراشدیرما قروپونون، ۲۰۱۹دان بو یانا مدنیت باخانلیغی ایله امکداشلیغیندا آدادا دؤرد آراشدیرما وظیفه‌سی گئرچکلشدیردیگی ایفاده ائدیلدی.
آچیقلامادا، تاپیلانلار آراسیندا آیریجا روما دؤنمنه عاید سرامیک شوشه‌لر، آرکایئک دؤنمه عاید داشدان یاپییلمیش بیر چاپا/لنگر و میلاددان سونرا ۱۵۰-۱۷۰ ایللرینه عاید اسپانیا آمفوراسی (آنتیک قاب) کیمی شئیلرین یئر آلدیغی ایفاده ائدیلدی.
آراشدیرمانین، بلگه‌سل فیلمی حالینا گتیریله‌رک چوخ بیلینن اولوسلارآراسی آرکئولوژی فیلم فستیواللاریندا گؤستریله‌جگی بیلدیریلدی.
ایلگیلی‌لی خبرلر
آماسرا بؤلگه‌سینه گلن کروز گمیسی و توریست سایی آرتیب
بؤلگه‌یه گلن گمیلرین سایینین آرتماسی ایله بو ایل توریست سایینین 60 مینه چاتاجاغی گؤزلنیلیر
