"سون شام یئمگی" فیلمی 28-جی نورنبرگ فیلم فستیوالیندا نوماییش ائتدیریلیب
تورکیه جمهوریتینین یارانماسینین 100 ایللیگی (29 اوکتبر2023-جو ایل) اوچون خصوصی حاضیرلانمیش "سون شام یئمگی" فیلمی 28-جی نورنبرگ فیلم فستیوالیندا نوماییش ائتدیریلیب.
تورکیه جمهوریتینین یارانماسینین 100 ایللیگی (29 اوکتبر2023-جو ایل) اوچون خصوصی حاضیرلانمیش "سون شام یئمگی" فیلمی 28-جی نورنبرگ فیلم فستیوالیندا نوماییش ائتدیریلیب.
نورنبرگ تافلهاله-ده تشکیل ائدیلن قالادا جمهوریتین اعلانیندان بیر گون اول چانکایا قصرینده وئریلن شام یئمگیندن بحث ائدن یونتمن لونت اونانین چکدیگی "سون شام یئمگی" فیلمی تاماشاچیلارا تقدیم ائدیلیب.
فستیوالدا فخری موکافاتلار ایسه چوخ کولتورلو سینما صنعتینه اولوسلار آراسی تحفه لرینه گؤره آکتریسالار ایریس بربن و هاله سوی قازییه وئریلیب.
آچیلیش مراسیمینده فخری موکافاتلارینی آلان صنعتچی لرله یاناشی، نورنبرگ بؤیوکشهر بلدیهسینین صدری مارکوس کونیگ، نورنبرگ مدنیت بلدیه باشچیسی جولیا لهنر و تورکیه و آلمانیادان اولان صنعتچی لر ایشتیراک ائدیبلر.
مارسین 8-ده باشلایان و عمومیلیکده 37 فیلمین نوماییش اولوناجاغی فستیوالدا 4 فستیوال صحبتی، 25 فیلم صحبتی و 4 موسیقی آخشامی تدبیری اولاجاق.
نورنبرگ فیلم فستیوالی مارسین 17-ده باشا چاتاجاق.
"سون شام یئمگی" نوامبردا بیشکک اولوسلار آراسی فیلم فستیوالیندا، دسامبردا ایسه میکتا (مکزیکا، اندونزیا، گونئی کره، تورکیه، آوسترالیا) فیلم فستیوالیندا نوماییش ائتدیریلیب.