آنتالیا رکورد اوستونه رکورد قیریر
مارس آییندا ایلک دفعه ۵۰۰ مینین اۆرینده توریست گؤره‌ن شهرده، ۳ آیلیق دؤنمده ایسه ایلک دفعه ۱ میلیون حدی آشیلدی
کئچه‌ن ایل توریزم تاریخینین ان یوکسک رقملرینه چاتان آنتالیا، ۲۰۲۴ون اوچ آیلیق دؤنمینده ده آیلیق اولاراق رکورد قیرماغا داوام ائدیر.
مارس آییندا ایلک دفعه ۵۰۰ مینین اۆرینده توریست گؤره‌ن شهرده، ۳ آیلیق دؤنمده ایسه ایلک دفعه ۱ میلیون حدی آشیلدی.
مارس آییندا آنتالیایا، ۳۴۸ مین توریستین گلدیگی گئچه‌ن ایلین عینی دؤنمینه گؤره، یوزده ۴۵لیک آرتیشلا ۵۰۵ مین ۴۲۱ توریست گلدی.
۱ ژانویه-۳۱ مارس تاریخلری آراسینداکی مبیلگیلره گؤره ایسه آنتالیایا گئچه‌ن ایلین عینی دؤنمینه گؤره یوزده ۲۵،۶لیق آرتیشلا ۱ میلیون ۵ مین ۲۰۷ خاریجی توریست گلدی.
ژانویه-مارس اوچ آیلیق توپلام توریست ساییسی باخیمیندان، شهره ان چوخ توریستین گلدیگی اؤلکه آلمانیا اولدو. آلمانیادان گئچه‌ن ایلین عینی دؤنمینه گؤره، یوزده ۶۵لیک رکورد آرتیشلا ۲۷۹ مین ۸۰۳ قوناق گلدی. آلمانلارین توپلام توریزم پایی یوزده ۳۲،۸ اولدو.
اوزون ایللردیر آنتالیا توریزمینین لیدئری اولان روسلار ایسه سیرالامادا بو ایل ایکینجیلیگه گئریله‌دی. روسیادان گئچه‌ن ایلین عینی دؤنمینه گؤره، یوزده ۱۹،۴لوک دۆشوشله ۱۷۱ مین ۷۷۰ توریست گلدی. روسلارین توپلام توریست ساییسینداکی پایی یوزده ۲۰ اولدو.
آنتالیانین آنا بازارلاری آراسینا گیره‌ن اینگیلتره، ۲۰۲۴ون اوچ آیلیق دؤنمینده ده گئچه‌ن ایله گؤره، یوزده ۴۰لیق آرتدی و ۱۲۴ مین ۶۲۱ توریستله اوچونجو سیرادا یئر آلدی. اینگیلیسلرین توپلام توریست ساییسینداکی پایی دا یوزده ۱۴،۵ اولدو.
