ایستانبولا گلن خاریجی زیارتچیلرین سایی آرتیب

ایستانبول 2024-جو ایلین ایلک 3 آییندا 3 میلیون 766 مین 718 خاریجی زیارتچی قبول ائدیب.

ایستانبولا گلن خاریجی زیارتچیلرین سایی اؤتن ایلین عینی دؤورو ایله مقایسه‌ده یوزده 8.22 آرتیب.

ایلک 3 آیدا تورکیه‌یه گلن 7 میلیون 42 مین 850 خاریجی زیارتچینین یاریسیندان چوخو ایستانبولدا آغیرلانیب.

مارت آییندا بیر اوولکی ایلین عینی آیینا گؤره یوزده 8.49 آرتیملا 1 میلیون 309 مین 200 خاریجی زیارتچی بو شهری سئچدی.

مارت آییندا ایستانبولا ان چوخ خاریجی زیارتچی 163 مین 548 نفرله روسیه فدراسیونوندان گلیب.

بو اؤلکه‌نی 121 مین 194 نفرله ایران، 115 مین 563 نفرله آلمان و 57 مین 97 نفرله اینگیلیستان ایزله‌دی. اینگیلیستانی 55 مین 940 نفرله آمریکا، 40 مین 828 نفرله فرانسه و 35 مین 446 نفرله ایتالیا ایزله‌دی.

مارت آییندا عرب اؤلکه‌لریندن ایستانبولا گلن زیارتچیلر آراسیندا الجزایز بیرینجی، عراق ایکینجی، مراکش اوچونجو، سعودی عربیستان ایسه دؤردونجو یئرده‌دیر. سعودی عربیستانی لبنان، لیبی، مصر، اردن و تونس ایزله‌ییب.