بایکار، ان چوخ صادرات ائدن شیرکت اولدو

تۆرک ساوونما و هاواچیلیق صنایعینده گئچه‌ن ایل ان چوخ صادرات ائد‌ن شیرکت، ۱ میلیارد ۷۶۶ میلیون دلارلا "بایکار" اولدو.

جمهورباشقانلیغی ساوونما صنایعی باشقانی حالوک گؤرگون، ایکس سوسیال مئدیا پلتفورموندان وئردیگی آچیقلامادا، ساوونما صنایعینین، سون ۱۰ ایلده دونیانین دؤرد بیر طرفینه، فرقلی جغرافیالاردا ۱۸۵ اؤلکه‌یه ۲۳۰ نؤوع محصول صادر ائتدیگینی ایفاده ائتدی.

گؤرگون، بونلاری قید ائتدی:

"بؤلوموموزون گئرچکلشدیردیگی صادراتین ۱،۷ میلیارد دلارینی تک باشینا اۆستلنن بایکار شیرکتیمیز اؤزل بیر تشکرو حاق ائدیر. گلیشدیردیگی تکنولوژیلرله 'اویون دییشدیره‌ن' و بۆتون دونیانین تقدیرینی آلان بایکار شیرکتیمیز، ۲۰۰۳دن بو گۆنه گلیرلرینین یوزده ۸۳ونو صادراتدان الده ائدیر و یۆکسک تکنولوژی صادراتییلا اؤلکه‌میز اقتصادینا اؤنملی بیر قاتقی تامین ائدیر".