تۆرکیه‌نین خالی صادراتی
تۆرکیه‌ده‌کی خالی توخویانلار ۲۰۲۳.جو ایلده ۱۸۰ اؤلکه و سربست بؤلگه‌یه ۶۱۲ میلیون ۱۹۴ مین مربع متر خالی ساتدی
تۆرک خالیچیلار، گئچه‌ن ایل ۶۱۲ میلیون ۱۹۴ مین مربع مترلیک خالی صادراتیندان ۲ میلیارد ۷۵۲ میلیون ۶۴۷ مین دلار گلیر الده ائتدی.
گونئی دوغو آنادولو صادراتچی بیرلیکلرینین بیلگیلرینه گؤره، تۆرکیه‌ده‌کی خالی توخویانلار ۲۰۲۳.جو ایلده ۱۸۰ اؤلکه و سربست بؤلگه‌یه ۶۱۲ میلیون ۱۹۴ مین مربع متر خالی ساتدی.
تۆرک خالیچیلار، بو صادرات قارشیلیغیندا ۲ میلیارد ۷۵۲ میلیون ۶۴۷ مین دلار گلیر الده ائتدی.
بؤلوم، ان چوخ گلیری ۲ میلیارد ۱۸۸ میلیون ۱۱۶ مین دلارلا ماشین خالیلاریندان الده ائتدی.
ماشین خالیلارینی، ۴۸۳ میلیون ۱۵ مین دلارلا توفته خالیلاری (اؤزل طرح)، ۷۲ میلیون ۶۲۰ مین دلارلا ال توخوماسی خالیلاری و ۸ میلیون ۸۹۶ مین دلارلا کیلیم ایزله‌دی.
اؤلکه سیراسیندا تۆرکیه‌دن ان چوخ خالینی ۷۷۳ میلیون ۲۰ مین دلارلا آمئریکا بیرلشمیش دؤولتلری وارد ائتدی.
آمریکانی ۲۶۹ میلیون ۸۵۸ مین دلارلا سعودی عربیستان، ۱۹۴ میلیون ۸۸۹ مین دلارلا عراق و ۱۷۸ میلیون ۷۶۵ مین دلارلا اینگیلتره ایزله‌دی.
گئچه‌ن ایل سعودی عربیستانا خالی صادراتی بیر اؤنجه‌کی ایله گؤره یوزده ۱۲۹ آرتدی.
ایلگیلی‌لی خبرلر
چین-دن تورک لیمان‌لارینا 3 میلیون تون‌دان چوخ یوک داشینیب
ژانویه -مارس آیلاریندا چین‌دن تورک لیمان‌لارینا 3 میلیون تون‌دان چوخ یوک داشینیب.
