آمریکانین سلاح ساتیشلاری آرتدی
آمریکا ساوونما شیرکتلرینین خاریجی اؤلکهلره ائتدیگی بیر باشا ساتیشلارلا بیرلیکده گئچهن ایل توپلام ساتیش میقداری ۲۳۸ میلیارد دلار اولاراق ثبت ائدیلدی
آمریکا بیرلشمیش دؤولتلرینین سلاح ساتیشلاری، گئچهن ایل جدی میقداردا آرتاراق ۲۳۸ میلیارد دلارا یۆکسلدی.
بیبیسینین خبرینه گؤره، آمریکا بیرلشمیش دؤولتلریین ۲۰۲۳.جو ایلده خاریجی اؤلکهلره سلاح ساتیشلاری دقت چکیجی اؤلچولره چاتدی.
خاریجی ایشلر باخانلیغینین اکتبر آییندا سونا چاتان مالی ایل اوچون حکومته حاضیرلادیغی راپوردا، آمریکا بیرلشمیش دؤولتلری حکومتینین ۲۰۲۲ ایلی ایله مقایسهده گئچهن ایل یۆزده ۵۶لیق آرتیشلا ۸۱ میلیارد دلارلیق ساتیش اوچون بیر باشا بازارلیق ائتدیگی بیلدیریلدی.
آمریکا ساوونما شیرکتلرینین خاریجی اؤلکهلره ائتدیگی بیر باشا ساتیشلارلا بیرلیکده ایسه گئچهن ایل توپلام ساتیش میقداری ۲۳۸ میلیارد دلار اولاراق ثبت ائدیلدی.
ساوونما توتومونو گئنیشلتمک ایستهین اوکراینانین قونشوسو لهستان، آمریکا بیرلشمیش دؤولتلریندان ان بؤیوک سلاح آلان اؤلکهلردن بیری اولدو.
۱۲ میلیارد دلار دگرینده آپاچی هلیکوپترلری ساتین آلان لهستان، هیمارس چوخلو راکتآتار سیستئی اوچون ۱۰ میلیارد دلار و ام۱ای۱ آبرامز تانکلاری اوچون ۳،۷۵ میلیارد دلار اؤدهدی.
لهستان، آیریجا، تاخیلابیلن هاوا و موشک ساوونما محاربه سیستملرینه ۴ میلیارد دلار خرجلهدی.
آمریکا بیرلشمیش دؤولتلرینین سلاح ساتیشلاری، اوکراینا ساواشی سببی ایله اوزون ایللردیر واشینگتندان سونراکی ان بؤیوک ایکینجی سلاح ساتیجیسی موسکوادان اوزاقلاشان اؤلکهلر طرفیندن آرتیریلدی.
آلمانیا، شینوک تیپی هلیکوپترلره ۸،۵ میلیارد دلار خرجلهدی.
بولقاریستان، استریکر تیپی زرهلی ماشینلارا ۱،۵ میلیارد دلار اؤدرکهن، نروژ ۱ میلیارد دلار دگرینده چوخ ایشلهولی هلیکوپترلر ساتین آلدی.
چکیا ایسه ۵،۶ میلیارد دلارلیق اف-۳۵ ساواش اوچاقلاری و مهماتی ساتین آلدی.
آمریکا سلاحلاری آوروپا خاریجینده ده سیخ ماراق گؤردو.
گونئی کوره، اف-۳۵ ساواش اوچاقلاری اوچون ۵ میلیارد دلار اؤدرکهن، استرالیا سی۱۳۰ج-۳۰ سوپر هرکولس تیپی اوچاقلارا ۶،۳ میلیارد دلار خرجلهدی.
ژاپن دا ائ-۲دی هاکای تیپی گؤزلم اوچاغی اوچون ۱ میلیارد دلارلیق آنلاشما ایمضالادی.
ایلگیلیلی خبرلر
تورکیهنین صنایع ایستحصالی آرتدی
تورکیه استاتیستیک تشکیلاتی (تویک) نتیجهلرینه گؤره، صنایع ایستحصالی ایندکسی یوزده 4.3 آرتیب