تورکیه-نین صادراتی‌نین ان چوخ آرتدیغی اؤلکه بیرلشمیش عرب امیرلیک‌لری اولوب
اؤتن ایل تورکیه-نین صادراتی‌نین دگر باخیمیندان ان چوخ آرتدیغی اؤلکه بیرلشمیش عرب امیرلیک‌لری اولوب.
اؤتن ایل تورکیه-نین صادراتی‌نین دگر باخیمیندان ان چوخ آرتدیغی اؤلکه بیرلشمیش عرب امیرلیک‌لری اولوب.
تورکیه صادراتچیلار مجلیسی‌نین معلوماتینا گؤره، اؤتن ایل تورکیه-نین صادراتی‌نین دگر باخیمیندان ان چوخ آرتدیغی اؤلکه‌لر سیراسیندا بیرلشمیش عرب امیرلیک‌لری 2 میلیارد 269 میلیون دو‌لارلا لیدرلیک ائدیب.
بیرلشمیش عرب امیرلیک‌لرینی 1 میلیارد 776 میلیون دو‌لارلا روسیا، 1 میلیارد 325 میلیون دو‌لارلا سعودی عربیستانی، 889 میلیون دو‌لارلا فرانسا، 606 میلیون دو‌لارلا الجزایر ایزله‌ییب.
2023-جو ایلده تورکیه روسیا فدراسیونونا 9 میلیارد 424 میلیون دولار، سعودی عربیستانینا 2 میلیارد 274 میلیون دولار، فرانسایا 9 میلیارد 736 میلیون دولار، الجزایره 2 میلیارد 518 میلیون دولار دگرینده صادرات رئاللاشدیریب.
اؤتن ایل بیرلشمیش عرب امیرلیک‌لرینه 5 میلیارد 915 میلیون دو‌لارلا تورکیه-نین ان چوخ صادرات ائتدیگی 11-جی اؤلکه اولوب.
تورکیه-نین 2023-جو ایلده ان چوخ صادر ائتدیگی اؤلکه‌لر 2023-جو ایلده 18 میلیارد 462 میلیون دو‌لارلا آلمانیا، 12 میلیارد 197 میلیون دو‌لارلا امریکا، 11 میلیارد 444 میلیون دو‌لارلا بؤیوک بریتانیا، 11 میلیارد 200 میلیون دو‌لارلا ایتالیا، 9 میلیارد 755 میلیون دو‌لارلا عراق اولوب.
بیرلشمیش عرب امیرلیک‌لرینه 3 میلیارد 205 میلیون دو‌لارلا ان چوخ صادراتی زرگرلیک صنایعسی ائدیب.
اؤلکه‌یه 263 میلیون دو‌لارلیق شیمیایی ماده‌لر و محصول‌لار سئکتورو، 222 میلیون دو‌لارلیق تاخیل، پاخلا‌لی بیتکی‌لر، یاغلی بیتکی‌لر و اونلاردان حاضیرلانان محصول‌لار، 215 میلیون دو‌لارلیق الکتریک و الکترونیکا، 190 میلیون دو‌لارلیق سو محصول‌لاری و حیوان منشأ‌لی محصول‌لار ساتیلیب.
