تورکیه کئچن ایل 70 اؤلکه‌یه صادراتدا رکورد قیردی

تیجارت ناظیرلیگیندن وئریلن یازیلی آچیقلامادا جمهوریتین 100-جو ایلدؤنومونده صادراتین 255،8 میلیارد دو‌لارلا رکورد قیردیغی خاطیرلادیلیب.

آچیقلامادا 2002-جی ایلده قلوبال صادراتین پایی‌نین 0،55 فایز اولدوغو، بو پایین 2022-جی ایلده 1،02 فایز، 2023-جو ایلین سپتامبر آیی‌نین سونوندا ایسه 1،06 فایزه یوکسلدیگی بیلدیریلیب.

آچیقلامادا کئچن ایل 240-دان چوخ اؤلکه‌یه و گؤمروک منطقه‌لرینه 12 مین 886 محصولون چاتدیریلدیغی و بو اؤلکه‌دن 70-نه تاریخین ان یوکسک صادراتین حیاتا کئچیریلدیگی وورغولانیب.

2023-جو ایلین ژانویه-نوامبر دؤورونده ان مهم تیجارت طرفداشیمیز اولان آوروپا بیرلیگی اؤلکه‌لری‌نین وارداتی 16،1 فایز آزالارکن، اؤلکه‌میزین آوروپا بیرلگینه صادراتی 2023-جو ایلده کئچن ایل ایله موقاییسه‌ده 1،2 فایز آرتا‌راق 104،3- میلیارد دو‌لارا چاتیب.

آچیقلامادا سون دؤورلر تیجارت و اقتصادی علاقه‌لرین آرتدیغی یاخین و اورتا دوغو بؤلگه‌سینه صادراتین اؤتن ایل 2،2 فایز آرتا‌راق 46،2 میلیارد دو‌لارا چاتدیغی بیل‌دیریله‌رک، تورک جمهوریت لرینه صادراتین ایسه کئچن ایل 26،9 فایز آرتیملا 10،2 میلیارد دو‌لارا چاتدیغی و تاریخی رکورد قیریلدیغی ایفاده ائدیلیب.

آچیقلامادا ایسلام امکداش‌لیق تشکیلاتینا عضو اؤلکه‌لره صادراتین ایسه کئچن ایل 3،68 فایز آرتا‌راق 67،3 میلیارد دو‌لارا چاتدیغی و یئنی رکوردون قیریلدیغی بیلدیریلیب.