اوکراینا‌دان تورکیه لیمان‌لارینا 8 میلیون تونا یاخین یوک داشینیب

2023-جو ایلین ژانویه-دسامبر آیلاریندا اوکراینا‌دان تورکیه لیمان‌لارینا 7 میلیون 644 مین 944 تون یوک داشینیب.

بو باره‌ده تورکیه-‌نین نقلیات و آلت یاپی ناظیرلیگیندن معلومات وئریلیب.

ناظیرلیک‌دن وئریلن معلوماتا گؤره، تورکیه بایراغی آلتیندا اوزن گمی‌لر اوکراینا‌دان لیمان‌لارا 96 مین 336 تون، دیگر اؤلکه‌لرین بایراق‌لاری آلتیندا اوزن گمی‌لر ایسه 7 میلیون 5 مین 92 تون یوک چاتدیریب.

بو مدت عرضینده اوکراینا بایراقلی گمی‌لرله تورکیه لیمان‌لارینا 234 مین 571 تون یوک چاتدیریلیب. 2023-جو ایلین ژانویه-دسامبر آیلاریندا تورکیه لیمان‌لارینا اوکراینا‌دان 100 مین 984 تون ترانزیت یوک داشینیب.

قئید ائدک کی، 2023-جو ایلین ژانویه-دسامبر آیلاریندا تورکیه لیمان‌لاری 391 میلیون 717 مین 308 تون یوک قبول ائدیب.

2023-جو ایلین ژانویه-دسامبر آیلاریندا تورکیه بایراغی آلتیندا گمی‌لرله یوک قبولو 29 میلیون 299 مین 350 مین تون تشکیل ائدیب. دیگر اؤلکه‌لرین بایراق‌لاری آلتیندا گمی‌لرله ایسه تورکیه لیمان‌لارینا یوکداشیما‌لار 362 میلیون 417 مین 958 تون تشکیل ائدیب.

معلوماتدا بیلدیریلیب کی، 2023-جو ایلین ژانویه-دسامبر آیلاریندا تورکیه لیمانلاریندان‌ 66 میلیون 735 مین 403 تون ترانزیت یوک داشینیب.

2023-جو ایلین دسامبر آییندا تورکیه لیمان‌لاری 36 میلیون 375 مین 497 تون یوک قبول ائدیب.

بو دؤور عرضینده تورکیه بایراغی آلتیندا گمی‌لرله داخیلی لیمان‌لارا یوک قبولو 2 میلیون 739 مین 933 تون تشکیل ائدیب.

"تورکیه لیمان‌لارینا دیگر اؤلکه‌لرین بایراق‌لاری آلتیندا گمی‌لرله یوک داشینماسی 33 میلیون 635 مین 564 تون اولوب"، - دئیه ناظیرلیک‌دن بیلدیریلیب.

بونونلا یاناشی، 2023-جو ایلین دسامبر آییندا تورکیه لیمانلاریندان‌ 5 میلیون 238 مین 880 تون ترانزیت یوک داشینیب.

قئید ائدک کی، 2023-جو ایلین ژانویه-دسامبر آیلاریندا تورکیه لیمان‌لاری 60 مین 195 گمی قبول ائدیب.

معلوماتا اساساً، بو مدت عرضینده تورکیه لیمان‌لاری طرفیندن قبول ائدیلن دیگر اؤلکه‌لرین بایراق‌لاری آلتیندا اولان گمی‌لر 40 مین 918، تورکیه بایراغی آلتیندا اولان گمی‌لر ایسه 19 مین 277 اولوب.

کئچن ایلین دسامبر آییندا تورکیه لیمان‌لاری 4 مین 697 گمی قبول ائدیب.

معلوماتا گؤره، بو دؤورده تورکیه لیمان‌لارینا دیگر اؤلکه‌لرین بایراق‌لاری آلتیندا قبول ائدیلن گمی‌لرین سایی 3 مین 190، تورکیه بایراغی آلتیندا قبول ائدیلن گمی‌لرین سایی ایسه 1 507 اولوب.